{ SKIP }
文:九鼻子  
POSTED ON 22 Jan 2016

意大利土生葡萄 Sangiovese 係拉丁文, 意思係古希臘天神宙斯嘅血(Blood of Jove)。據歷史記載, 古羅馬時代 (距今超過2000年前) 已有僧侶隱士開始種植及釀酒, 唔怪得有個咁神化嘅名。


據講呢種「天神的血」呈紅寶石色, 晶瑩剔透, 帶酸車厘子味, 當中亦有茶葉、香料及泥土的氣息。啱啱流出來時會較酸澀, 口感較單薄, 用木桶陳年過後會變得圓潤、複雜, 增多一點雲呢拿、Cigar 煙葉、烘多士的香氣。



天神的血流遍意大利本土,種遍意大利53個省, 佔全國種植量10%。

上至東北 Veneto, 下至 Campania 及西西里島(Sicilia), 甚至有部份流出國外, 但始終偏心於 Tuscany 這片土地, 就像天神的心臟一樣,側埋喺左邊。Tuscany這片土地, 高質至 Super Tuscany, Brunello di Montalcino, Chianti Classico, 平民化至一般 Chianti 的紅酒, 佔90%都以「天神的血」釀造。


Chianti 酒區自1716年成為 Tuscany 核心, 歷史悠久自然衍生好多非傳統的產品, 直至1924年由 Radda 呢條村落的33位釀酒師,帶領成立一個社團去捍衛優良傳統, 並於1932年正式命名為 Chianti Classico, 至1967年被政府認可為DOC, 而1984年更上一層樓升級為DOCG酒區。

歷史講完, 無非想帶出每支 Chianti Classico DOCG 紅酒瓶頸上, 有一張黑公雞(Black Rooster)招紙的來源。


2015年3月,我應邀到訪意大利Verona舉辦嘅 Vinitaly, 一朝早「被安排」品嚐這隻黑公雞不同地域嘅靚酒。


後排左一(筆者九鼻子)

趁機會請教當日專門介紹 Chianti Classico 嘅專家, 了解黑公雞嘅故事。

故事背景 - 歐洲中古時期, Tuscany 呢個省份, 分別有兩個主要城市, 南有 Siena, 北有 Florence。兩個首都之間, 有大量土地、農作物、木材、動物,

 簡單來講即係「錢!錢!!錢!」


席上有兩位Chianti Classico專家,梗係要了解吓「黑公雞」嘅故事

兩個城市人口膨脹, 向外拓展, 展到中間相遇而爭埋同一塊肉, 自然就會打, 細打叫群毆, 大打叫戰爭。卒之打到13世紀, 雙方諗到一個停戰的方法, 又能解決領土的問題, 就是以比賽形式, 每方派一名騎士連馬匹, 錫耶納(Siena)的向北,佛羅倫斯(Florence)的向南, 在比賽當日天光雞啼時出發, 當兩位騎士相遇的位置就定為將來領土的彊界。比賽結果 - Florence 大炒5比2


兩地相隔約70km的馬匹競賽, 卒之兩匹馬在距離 Siena 城牆外20km相遇, 即係Florence的足足跑了50km? 另一匹只跑了20km?



疑點

大家都係騎馬, 唔通一個騎法拉利, 另一騎 FIAT? 無理由相差咁遠? 


原因 (版本1)

聰明的 Florence 人, 在未天光時, 已提早用大量白布圍住隻黑公雞, 然後在白布外燃點火把, 令隻雞以為“真天光”, 提早雞啼, 未天光已出發!


原因 (版本2)

聰明的 Florence人, 預早幾日無餵雞, 令佢比賽出發前半夜已經忍唔住 「真.肚餓」, 提早雞啼, 未天光已出發! 

本人九鼻子認為, 以上兩個版本都係藉口, 根本Florence 的代表係未天光未雞啼就已出發, 所以偷步贏咗。


不論原因係點, 自此兩地無再打仗,  Chianti Classico 後來更用了這隻黑公雞做標誌。

CASIO G-SHOCK推出嘅「農家橡樹」GA-2100系列近年再牽起一股電子錶熱潮,品牌亦力推女性市場,繼2021年推出女性向嘅「GMA-S2100」系列後,最新又推出更嬌小、顏色更柔和嘅「GMA-P2100」系列,或者會係大家嘅情人節禮 ...
watchesandwine
【潮流】ITZY代言!G-SHOCK「農家橡樹」推更嬌小女裝版
22 Jan 2024
日本威士忌品牌「WHISKY MEW」主要銷售由日本著名威士忌收藏家「山岡秀雄」親自試出及推薦嘅威士忌,並經常與各大日本動漫作品合作推出聯乘作品。而最新嘅聯乘,就係同士郎正宗創作嘅著名Cyberpunk作品《攻殼機動隊 ...
watchesandwine
【日本】WHISKY MEW聯乘《攻殼機動隊》推限量威士忌
10 Jan 2024