如果你係唔喜歡飲wine嘅朋友，睇睇呢5個要點，諗吓以前自己飲嘅時候有無Miss咗啲嘢，繼而飲唔出真正嘅風味。其實葡萄酒呢個豐儉由人嘅世界，你絕對可以搵到適合自己嘅作品 !

每個酒評家影相都一定會影聞香動作，因為品酒好大部份在於聞到各種各樣嘅香氣。唔知大家有無留意，你傷風感冒鼻塞嘅時候，食啲嘢多數都無乜味，其實係因為人類嘅嗅覺能夠比味覺辨識出更多味道，無論你味蕾再靈敏，都只能著重於甜、酸、苦、鹹四個範疇，但聞香而得嘅酒香 (Aroma) 可以帶俾你更豐富嘅享受。

二、用適合嘅杯飲

「只要啲酒靚，用咩杯飲都一樣?」，呢個諗法要調轉諗先啱，愈係靚嘅酒，愈要適合佢嘅酒杯，之前已經講過Wine Glass有好多種，除咗紅、白、香檳杯，你仲可以揀波爾多、布艮地杯等等，只有合適嘅酒杯先能夠將酒香發揮得淋漓盡致，薄身酒杯飲酒體厚度更明顯，高杯腳令手嘅體溫唔會影響葡萄酒風味…… 如果你堅持用紙杯飲wine，其實俾咩酒你都唔會好飲！

三、慢慢飲，用盡味蕾去感受

四、要敢於冒險 (中伏)

人生流流長，總會遇到幾個仆街，但你仍然會勇於識女；品酒都一樣，試新酒中伏一啲都唔出奇，但作為飲家，我們仍然樂於將陌生嘅作品擺入口中。中伏係認識自己味蕾嘅重要階段，試得多你先知咩酒啱自己飲，好似波爾多咁濃厚，好似Shiraz咁豐郁，定要好似Chardonnay咁香甜，聽人地講永遠唔會知真相，味蕾、喜好係好個人嘅事，識得揀啱自己嘅酒先係老闆嘛。

同之前我寫whisky flight係同一道理，為咗令每隻酒嘅個性、風味特性更明顯，我地試酒多數會搵多幾隻做襯托。你可以揀做Vertical Tasting，將同一個酒莊、品牌，但唔同年份嘅酒擺埋一齊；或者Horizontal Tasting，將同一年份、葡萄品種、地區，但唔同酒莊嘅作品擺埋一齊，去突顯每間酒莊釀酒風格嘅差異。