「有排都未到中秋啦，咁早講月餅？」好食嘅月餅要早訂是常識吧，就好似尖東Tiffany’s New York Bar嘅威士忌朱古力月餅咁，上年首次推出就瞬間售罄，人氣之高超乎想象。今年嘅昇華版，以來自3個不同產區嘅頂級威士忌，釀入濃郁香甜嘅朱古力之中，酒迷如我真係零抵抗力！

威士忌朱古力月餅三重奏，一盒３件，每件各自釀入一款頂級威士忌，蘇格蘭代表為格蘭哥尼單桶原酒威士忌Glengoyne Cask Strength，呢款Highland Single Malt以美國橡木桶、歐洲雪莉桶陳釀而成，個性豐盈，成熟香蕉嘅果香同胡椒嘅香辛尤為顯著。

台灣代表Kavalan Solist Ex-Bourbon Cask，又係獲獎無數嘅作品，ABV達到56.3%，全面展現美國橡木桶帶嚟香滑、甜美。酒香呈現優美嘅雲尼拿、香蕉、芒果氣息，味道豐富，香料、木桶同啤梨味道悠然飄散，收結非常creamy，香料嘅辛澀令複雜性更高。

驚喜來自第3個代表，日本嘅駒之岳威士忌Mars Komagatake，長野縣信州蒸餾廠嘅作品。蒸餾廠位處長野縣上伊那郡宮田村，798公尺高嘅地勢亦係日本最高嘅威士忌酒廠，水源純淨，雖然92年至11年期間曾經關閉停產，但重開復興之後亦推出唔少令人驚喜嘅靚酒，今次使用嘅龍膽就係其中之一。

訂購限期 : 由即日起至2016年9月12日
領取日期 : 2016年8月8日至9月14日 (早買早享受啦)
價錢 : 一盒3件，HK$438，8月31號前訂仲有9折！