{ SKIP }
文:MenClub Raphael  圖:互聯網
POSTED ON 22 Dec 2016

唔知大家睇咗Rogue One未呢,話說「宇宙最強」嘅甄子丹就真係憑套電影打到上太空,但先要提醒大家,如果本身唔係星戰迷,記得要做足功課先好入場,否則精彩程度會大打折扣架。同樣係星戰迷嘅,仲有香港陀飛輪品牌Memorigin萬希泉同埋作曲、設計同樣出色嘅雷頌德,今次趁住Rogue One上映,佢地再同Lucasfilm合作,推出3隻星戰新品陀飛輪腕錶 : Darth Vader、Kyolo Ren同埋RD-D2!

George Lucas嘅世界入面,最有魅力嘅奸角一定係Darth Vader。由一代英雄嘅絕地武士,至被黑暗力量利用,到戴上面具之後,將內心正義之心完全封印,既充滿神秘感,且令Fans又愛又恨,而主導今次設計嘅Mark Lui就將呢份神秘感演繹於陀飛輪之上。漆黑嘅色調貫穿整隻陀飛輪錶,利用面罩口部,隱約露出陀飛輪嘅機芯零件,配以魅黑不鏽鋼錶帶,厚重嘅鎧甲入面,潛藏複雜嘅「芯」。

除咗主錶盤嘅設計之外,Mark都照顧咗星球大戰Fans們對於細緻部分嘅要求,所以個指針特別取材戰鬥機TIE Fighter,並以Darth Vader嘅紅色激光劍造型作分針,刺激大家的視覺神經,成隻錶型仔得嚟,亦將Darth Vader嘅人物形象塑造得活靈活現。

Mark嘅第2隻作品,就選材自Kylo Ren,一位Darth Vader嘅忠實擁躉,亦因此兩者感覺上亦相當近似;不過相較之下,Kylo Ren則有一種更陰沉嘅性格,著住斗篷外套,好似隱藏著一股巨大嘅潛能咁。Mark將Kylo Ren嘅面具刻劃於錶盤之上,仲特別為佢訂製咗尼龍錶帶,重塑斗篷外套嘅形象。而指針方面,同樣係使用咗TIE Fighter樣式做時針,分針則為Kyolo Ren嘅十字紅色激光劍。

最後一隻,一望就知係忠臣R2-D2啦。呢位圓桶形嘅維修及操作戰鬥機械人,喺星戰嘅地位絕不比上面兩位遜色。當R2-D2進入X-Wing Fighter嗰陣,會見到其半圓球體嘅頭部,而腕錶就係取材自R2-D2頂部嘅俯瞰圖作為錶盤,從藍色濾片之中滲透出內部嘅陀飛輪組件;3隻星戰作品之中,我最鐘意嘅反而係屬於好人角色嘅R2-D2,純綷以腕錶角度嚟講,藍白色嘅配搭已有先天優勢,而Memorigin特別選用較為耀眼嘅鱷魚皮錶帶,戴於手腕之上更顯光澤。

3款Memorigin星戰系列,各限量100隻,全部有Mark Lui嘅親筆簽名限量版證書,值得讚賞嘅仲有3款以太空艙為主題嘅錶盒;Darth Vader陀飛輪嘅錶盒以漆黑感籠罩,內外不同物料將黑色分層,好有霸氣;Kylo Ren則以 「The First Order」 旗幟紅黑為主題,全黑盒配搭紅色皮革內籠;而R2-D2陀飛輪貫徹採用藍白奪目色彩,銀白外盒襯托內部藍色的皮革,典雅亦不失星戰味!


對初心者而言,要學識品鑑 Whisky,最重要係辨識到酒液嘅風味同特性,一場試飲之中,若果有3、4款作品,飲家會更容易 Get 到分別喺邊。嚟緊 3 月中,上環 Safe Bubbles & Malt 會搞一場日本威士忌試飲,共 6 款頂級 ...
watchesandwine
超荀 Whisky Tasting!四百蚊試勻6款日本靚威
24 Feb 2017
CHF5,000 樓下的 100% 原廠自製計時碼錶已是驚艷,還要造工靚、設計啱心水便真是可遇不可求。今年度的Basel,Tag Heuer 又來一次 Carrera Heuer-01 的施法,只是這次推出修身了的 43mm,還有多種樣式配搭,真是極之 ...
watchesandwine
【Pre-Basel】那名為Carrera Heuer-01的魔法
24 Feb 2017