{ SKIP }
文:MenClub Raphael  圖:互聯網
POSTED ON 23 Dec 2016

又到聖誕,又到聖誕,唔過唔過仍需過,無論你幾Lonely都好,聖誕佳節你永遠都避不過。有拍拖嘅巴打們固之然要二人世界,若果你有幸單身,過節嘅最好方法梗係搵齊班Single嘅朋友開P啦!咁我都知咁高興嘅日子,唔飲返兩杯酒,點對得住自己呀!?但飲還飲,千其唔好學呢個鬼佬咁,一嘢吹哂成枝威士忌,有咩後果?自己睇下就知(慎入)

片段來自Ernest Acosta嘅Youtube Channel,呢個藝高人膽大 (玩命) 嘅Texas鬼佬,真係乜都吹得一餐,從威士忌、伏特加等烈酒,到學生哥用嗰啲白膠漿都有,你都咪話唔得人驚!今次佢挑戰美帝Jack Daniel’s經典No.7威士忌,仲要係2L裝嘅Family Size,一開頭吹咗陣水之後,Acosta就拎起枝酒係咁灌。

一開始飲嗰陣,Acosta嘅狀態仲係游刃有餘,但漸漸開始佢就呼吸愈嚟愈沉重,因為酒精帶來嘅灼熱感覺,開始令佢嘅喉嚨、鼻腔有啲唔正常。即使中間有短暫停頓過,但Acosta始終都吹哂一枝兩公升嘅威士忌,而高潮當然隨之而來。無耐Acosta就衝入廁所反覆地嘔,可以從片段當中睇到佢乜鬼都嘔返哂出嚟。

最後佢企都企唔穩,醉倒當場。為免佢啲Youtube Fans有樣學樣,Acosta都寫到明千其唔好試,你隨時因而受傷,嚴重者甚至會死亡。提醒返大家,開Party都係一兩日嘅事,無謂為咗嗰幾個Moment搵自己條命較飛,飲到嘔飲到斷片還好,但急性酒精中毒可以好嚴重,我有朋友 (唔係我) 入過醫院,新聞亦好多飲到出事嘅例子,識玩嘅你,一定唔會玩到盡啦。

Source : Ernest Acosta Channel


滷水鵝肝嘅鹹香甜美,襯埋 Glenkinchie 12 年嘅雲尼拿、新鮮柑橘味,兩者夾埋口感順滑至極,正呀!
watchesandwine
【出奇地夾】傳統潮洲菜配蘇格蘭 Whisky 你試過未?
18 Aug 2017
同 Jen 一齊飲酒、講政治、再飲酒、再…… 鳴呀!
watchesandwine
【這些機會】Jennifer Lawrence 邀請大家一齊去加洲酒莊玩!!
18 Aug 2017