{ SKIP }
文:MenClub Raphael  圖:互聯網
POSTED ON 04 Jan 2017

前陣子除夕夜,同班朋友喺屋企開Party,玩Beer Pong,中間幾乎咩酒都溝過嚟飲,紅、白酒,香檳、Vodka、威士忌,全晚就係不停玩,不停飲到天光。依稀記得返到屋企,攤落張床度已經係朝早8、9點,訓咗一訓之後,本身諗住夜晚再出街食飯,點知嗰陣Hangover嘅感覺真係搞到你乜嘢都唔想食…… 人愈大,玩得愈多,你自然會感覺到身體對於Hangover嘅免疫力同埋復原速度會急劇下降,尤其係過咗30之後就更可怕,最近UK Lifestyle Joe就用科學角度解釋咗呢個現象 :

酒精嘅特性係你吸收咗之後會瞬速遊走你身體嘅各個器官,腸胃、心臟、皮膚,可以話係無孔不入。美國研究指出,隨年紀增長,人類嘅心臟同埋胃部都會縮小,向身體各部位嘅供血能力都會隨之而下降,而酒精停留於體內嘅時間就會更長。所以,當你有返咁上下年紀,Hangover嘅時效正常係會愈嚟愈長,兩、三日未散哂都唔出奇。仲有,相比年輕時期,身體水份比例更少,意味住酒精於人體內將更難被分解。

除此之外,過量飲酒的確仲有好多負面影響;例如飲酒本來係求開心,大家都知酒精會令人更興奮,對外界反應更加熱烈。其實酒精嘅效果比較近似令人腦喺一段時間之內,減低負面嘅判斷同思維模式;但當呢個時段過咗,呢啲感覺又會反彈使到班酒徒更加Down,嚴重者甚至會更加焦慮、Depression嘅程度。專家就提議,如果出現呢啲酒精引發嘅情緒問題,可能要進行一個6個月嘅戒酒療程,Keep Yourself Sober,就係最好嘅辦法。

過量汲取酒精影響心臟、肝臟健康呢啲係老生常談啦,不過現代男士更關心嘅係飲酒會致肥嘅問題。人體視酒精為一種毒素,會優先進行代謝,但呢個過程會影響原有對脂肪同糖嘅代謝效率,即係除咗酒本身嘅熱量、卡路里之外,大家嘅伴酒小食都會比平時更容易令人肥伴。所以好多專家都建議,食飽先好去飲酒,一來你無咁易醉,二來你飲酒嗰陣會食少啲嘢,無咁易肥。

總括而言,飲酒還是以適量為首要目的,尤其比較成熟嘅男士們,飲多兩杯靚酒好過劈一打九唔搭八嘅Cheap酒啦! 身體係自己嘅,逞到一時之威風,有咩後果都要自己承受架,所以大家記得要小心啲啦!

Source : UK Lifestyle Joe


葡萄酒選擇得多,消費者仍然要睇獎睇分,尤其權威如 Decanter 世界葡萄酒大賽的評審,對飲家仍有相當的參考價值。2017 年結果剛剛出爐,讓我們宏觀地睇睇今年的情況先 ... ...
watchesandwine
2017 Decanter 世界葡萄酒大賽結果公布!!
28 May 2017
眾多男士服飾之中,唯有 Black Tie 是衣服Carry返個人,只要著一套 Fit 身、Well-Tailored 的 Black Tie 禮服,簡直猶如現實版的 PS 裝甲一般,整個人足足提升了幾個層次,加埋隻靚錶,殺哂! ... ...
watchesandwine
【男士必殺服飾】蕭邦 L.U.C 時計展示 BlackTie 魅力
28 May 2017