{ SKIP }

POSTED ON 22 Feb 2019

如果90年代是日本車的黃金年代,那麼80年代便是日本車起飛的年代,那時的日本車雖然四四方方,但個性比現在的汽車還要強得多。再者,那年代的日本車也力求創新,即使普通的四門房車也要放入一具破天荒的多活瓣引擎,說的就是本文主角,首部配用六汽缸雙頂凸輪軸(Twin Cam)24「嘩咾」的豐田第二代Cresta,代號GX71!

今次主角Cresta,外形望落熟口熟面,但是車名就有點陌生,但如果同你講佢有兩個兄弟,一個叫Mark II,一個叫Chaser,你有冇印象?沒錯,Cresta就是Mark II和Chaser的三兄弟,而且亦是三款車中的小弟弟。

1980年才推出第一代的Cresta,定位屬於Mark II(1968年推第一代)和Chaser(1977年)的豪華版,前者(Mark II)定位於一般房車,後者(Chaser)以高性能取向,所以Cresta便成了當中的豪華版本。一般而言,Cresta除了設備較豪華和齊全外,雙車身色顏色亦是Cresta的特色,同時亦跟出口版的Cressida類似。

至於眼前的Cresta Super Lucent屬於車系中的第二代,生產周期介乎1984年至1988年,此車共有六款引擎配搭,試駕車配編號 1G-GEU的2公升六汽缸24活瓣引擎。另外,採用半hardtop設計,所謂半hardtop即是非無B柱設計,只是將B柱設計得比較幼身,看起來似無B柱,這是那些年很流行的車身設計。

編號1G-GEU是豐田第一台六汽缸雙頂凸輪軸多活瓣引擎,其燃燒室為屋脊形設計,目的是能夠容納多於兩個活瓣。另外,日本機械學會(JSME)為表揚這台新引擎,特別於1982年將新科技獎頒發予豐田。
不是所有車都適合用電鍍鋼線軨,這部四四方方的Cresta就襯到絕,車主仲換埋氣壓升降避震,泊街收視肯定滿分。
雙車身顏色唔一定係上下半截咁分,好似這部Cresta分開三段來間色,一樣好好睇,感覺仲好鬼高貴。
當年高級車的軚環多為兩幅式設計,屬於好睇唔好揸一類,而且軚環亦比較幼身。
既然定位係高級車款,表板係當年好流行的液晶電子顯示,上面係速度,下面係轉數(左右兩邊係油量和水溫),右上角左右兩邊是懸掛和轉向軟硬顯示。
剛才提過的懸掛和轉向軟硬,就是在波棍前方進行設定,以80年代車款來說,係好先進的設計!
四速自動波附有OD(over drive)功能,係當年常見的設計,近年車款已很少見。
不得了、不得了,這套原裝絲絨座椅靚到一個點,質感幼滑,承托力強,只有傻仔先走去將日本絲絨換本地土炮皮位!
2公升六缸Twin Cam 24「嘩咾」,馬力有140匹,用現時標準自然算不上十分驕人,但放在當年,數字已很「標青」,當年的60系Celica XX亦有份用這台引擎,而且這台引擎除了是豐田第一台雙頂凸輪軸的多活瓣引擎外,亦同時內置了T-VIS(Toyota Variable Induction System)系統來改善低、中轉的扭力輸出,另外這台引擎亦改用「cam帶」而非當時常見的「cam鏈」,目的減少噪音和降低維修成本。至於表現方面,算不過不失,但勝在低扭夠煙韌,另外因自動波設有OD波,加速除可kick-down或拖低一粒(由D波轉去2波)外,還可以on、off OD波來提升速度,不過OD off之下引擎會偏向高轉,兼且會較嘈。雖然此車設有軟硬懸掛,但由於車主換了氣壓升降避震,變相令原裝軟硬變成冇得調整。

引擎:直六DOHC 24V

排氣量:1,998cc

馬力:140ps/6,200rpm

扭力:16.9kgm/5,600rpm

傳動:四前速自動波

驅動:前置引擎;後輪驅動

制動:通風碟(前);實心碟(後)

懸掛:麥花臣(前);半拖曳臂(後)

尺碼:4,650 × 1,690 × 1,415mm

軸距:2,660mm

車重:1,300kg

「買得Polo,好心你俾多些少買Golf 1.4(150匹)啦!」 我多事,加把咀「咁買得Golf 1.4,點解又唔添多啲買GTI或Golf R呀?」 好在,地球仲有好多小車fans,亦都有個叫Volkswagen嘅老招牌 繼續陪佢哋癲,推出好似Gol ...
autoreviews
【一公升Turbo當道】Volkswagen Polo 1.0 TSI
06 Nov 2017
「而家啲車唔靚」已經流傳於環球車迷口中約20年。 我唔敢話將近2018呢刻,全球車廠已覺悟前非,部部新車皆「靚女」,但近年,德國、日本都有唔少令人睇得舒服順眼,又獨具風格嘅新盤。 包括今次MenClub到德國試駕嘅V ...
autoreviews
【不用看藍天碧海】Volkswagen Arteon
03 Nov 2017