{ SKIP }
文:MenClub 魏文青  
POSTED ON 19 Apr 2018
OKOK,我知「大賊」加「逃獄」睇落去某一套荷里活商業片嘅主要劇情,你仲可能喺個腦到聽到爆炸同飛車聲,但實際上喺冰島發生嘅呢單逃獄案係相當平靜,平靜到好似個犯其實係離家出走咁。
首先逃獄嘅主角係Sindri Thor Stefansson,佢喺2月時因為被指與其他11名同謀於當地偷取價值約1600萬港元嘅Bitcoin「礦機」而被捕,更被當地傳媒稱為「前所未見嘅大盜」。咁冰島官方係點對待呢位「前所未見嘅大盜」呢?就係拘留咗佢將近兩個月之後,就送咗佢去距離凱夫拉維克國際機場59英里嘅Sogn監獄到看守。而Sogn監獄又有咩特色呢?就係佢係一座低設防監獄,犯人唔單止可以上網、打電話,間監獄就連圍欄都冇。
結果呀Stefansson就咁爬出窗就逃咗獄——或者準確啲講「行咗出去」,然後去到國際機場,用假護照成功出境,坐咗上一班飛去瑞典首都斯德哥爾摩嘅客機成功逃出冰島。最好笑係Stefansson上咗嗰班機據報仲載住冰島首相Katrín Jakobsdóttir,當時佢要去斯德哥爾摩與印度首相會面;而Sogn班獄卒要去到架飛機飛走咗先發現Stefansson唔見咗…真係呢…
咁你話係咪可以怪當局辦事不力呢?其實可能係呢個Stefansson以冰島嘅標準黎講太奸詐。正如英國《衛報》引述冰島社會學教授Helgi Gunnlaugsson所講於冰島「逃獄」通常係指「囚犯為咗飲酒而出走」,人口只得34萬,犯罪率奇低嘅冰島根本就冇咩「地下世界」,囚犯走咗出黎根本就冇得匿,更加唔好講逃出國境。所以只能話Stefansson唔單些係冰島「前所未見嘅大盜」,仲係「前所未見嘅逃犯」囉。
The Guardian
由中國Cosplayer「千夜未來」所演譯嘅「庫巴公主」性感又可愛,難怪日本網民見到會咁歡喜!
gags
終於來了!可愛又性感的「庫巴公主」cosplay!
08 Oct 2018
「小白」X「不理不理左衛門」公仔喺9月10日已經喺日本各大夾公仔店上架,鍾意佢嘅就努力夾佢返黎喇!
gags
日本夾公仔機新品!「小白」X「不理不理左衛門」公仔
28 Sep 2018