通常靚仔都比較貪靚，分分鍾約你出街，遲到嗰個就係佢？搞咩搞咁耐？就係要整頭、襯衫、揀飾物，可能仲麻煩過女人。就算出到街，一見到鏡就整頭髮，試問佢貪靚到呢個點，邊個女人受得了。

更寵愛自己嘅女人

靚仔係著數架，唔使做啲乜，啲女都自己埋身。相反，樣子普通嘅男人，就要努力追女仔先追到手，自然對自己嘅女人會更加珍惜更加寵愛。

知道如何對女孩子好

係女仔都希望自己個男朋友對自己好好架啦！不過靚仔隨時都有女仔埋身，未必識主動去對女孩子好。相反，樣子普通嘅男士就係要對女仔好、表現紳士一面，先吸引到女仔，自然係對待女仔方面，都會比較周到貼心。

不需要疑神疑鬼

如果自己男朋友好靚仔，成日好多囡囡喺身邊，就會好擔心佢會唔會喺出面勾三搭四，畀人搶走。相反，自己男朋友如果唔係咁靚仔，競爭力少啲，吸引到異性嘅機會都低啲。

冇咁大野心

好多普通嘅男士都覺得，有一個女朋友已經心滿意足。相反，靚仔就會追求愈Charm嘅女朋友，分分鍾會當女仔係後備，搵到個更正就飛。