【新啤酒上場】點解要飲罐裝啤酒？

文：MenClub William
POSTED ON 12 Jun 2017

精釀啤酒近年人人識飲，唔同國家唔同小麥唔同酒花，選擇夠多，價錢又唔貴，試勻都唔肉痛，之不過見親都係一支支嘅玻璃樽裝，近日就有個全新香港手工啤酒品牌推出主打歐美大推嘅罐裝啤酒，你知唔知到底有咩分別？

呢個香港最新嘅手工啤酒品牌Heroes Beer Co，班底唔惹少，全港有6個啤酒鑑賞師(Certified Cicerone)，Heroes Beer Co 已佔2位，而整個團隊均為 Beer Judge Certification Program 的認可啤酒評審。Heroes Beer Co 是全港首間引入罐裝手工啤酒的本地品牌，罐身設計黑白同彩色並存，有英雄變身嘅意味，但究竟點解要用罐裝而唔用樽裝啤酒呢？

首先如果你仲停留係罐裝入酒會有「鐵銹味」嘅concept，咁就要提下你世界各地大廠，都漸漸，因為技術已經越黎越進步啦，好似美國Founders同Evil Twin、英國Brewdog同上年喺火炭設廠嘅日本Hitachino等（喺香港生產出口至東南亞），都已經推出咗罐裝版。

最大嘅原來係手工啤酒落嘅啤酒花比一般啤酒多，特別容易因為光而變味，透光嘅玻璃樽就會流失應有嘅味道，相反罐裝就可以啤酒嘅味道完整保存，入罐同出罐都係一樣味。另外罐裝密封亦可以比樽裝更有效「存氣」，避免氧氣經由瓶蓋罅隙滲入啤酒，大大降低啤酒被氧化嘅機會。再者，罐裝運送儲存成本低，慳到嘅錢suppose都會放返落啤酒到啦。

當大家追求手工啤酒俾到嘅豐富風味，好似麥香柑橘酒花堅果等等等，就唔好再死守係一個舊有概念，至少你都應該知啤酒唔一定要雪到凍一凍先飲，手工啤酒款款適飲溫度都唔同啦，未必可以得到最完美嘅口感。

HUNK SIR ($35) Milffee Porter, ABV 5.8% • 獲 2017 澳洲國際啤酒大賽(AIBA) 銀牌 • 啡走加黑啤,香港和英國文化融合的結晶 • 以傳統英式黑啤 Porter 為本,帶黑朱古力香氣,配以 NODI的 espresso blend,兩者互相襯托,完美結合 • 加入擔當「煉奶」角色的乳糖,令啤酒變得順滑而帶微甜,整體更平衡
HANGRY DONUT ($35) Hopiscus Wheat, ABV 5.1% • 獲 2017 亞洲啤酒杯(Asia Beer Cup)金奬 • 微酸、清新美式小麥啤 • 小麥、啤酒花及洛神花是 Hangry Donut 的主角,令酒色輕微混濁而帶粉紅,泡沫豐富綿密 • 酒花帶西柚、檸檬香,配合洛神花,味道微酸而帶莓香,就像一杯雪芭,最適合夏天消暑解渴 AP-09 $35 One Star Scotch Ale, ABV 6.8% • 厚重而帶堅果、焦糖、曲奇、拖肥味的 Scotch Ale • 採用大量英國優質 Maris Otter 麥芽及 East Kent Golding 啤酒花釀造,加上 Edinburgh Scottish Ale 酵母及特長時間烹煮,帶出濃厚堅果、焦糖、拖肥味,層次複雜 • 以攝氏 12-14 度享用,更加突顯厚重而醇滑的酒身,完美示範 • 真正「重麥味」啤酒 CEREUSLY $35 +50dB IPA, ABV 6.2% • 獲 2017 澳洲國際啤酒大賽(AIBA)銅牌 • 輕盈、乾身而充滿果香草香的美式 IPA • 特別採用 2016 年新品種啤酒花 Loral 及 Ekuanot,除了香氣撲鼻的西柚、芒果、熱帶果香之外,還有草香及花香,就恍如置身在戶外音樂節 • 採用低烘焙麥芽,酒色金黃通透,只有輕微麵包味做襯托,令酒花香氣得以盡情發揮
www.facebook.com/pg/HeroesBeerCo