Under由美國設計公司Snøhetta負責今次計劃，之前就幫過美國名廚 Thomas Keller用一千萬去裝修夢幻廚房，仲有喺Noma舊址幫手設計新餐廳，成個設計雖然好似海底隧道，不過暗藏好多細節，整體充滿時代感。11 x 4米嘅觀景窗未必係世界最大，不過用嚟觀賞壯闊海底景色，非常足夠。落到水底陰陰暗暗嘅環境，若果閣下有幽閉恐懼症就大件事，餐廳亦有刻意調較過嘅燈光，等客人可以喺欣賞海底景色。

除咗餐廳業務，其實佢地仲係個海洋研究中心，仲預咗餐廳外牆可以俾青口一類依附生長，共融海洋世界咁話，你咪睇佢遠睇有少少似隧道同埋墜落嘅石屎，其實係設計上佢地都有諗過度過。2018年完工，2019年頭先會開放，到時有機會去挪威要去試菜啦。