呢個世界，咩嘢主題嘅樂園都有，有無諗過會有「食物」做主題嘅樂園？

11月15日開幕嘅FICO Eataly World（”FICO” 在意大利文稱作 ”Cool”），位於意大利北部城市Bologna 博洛尼亞，將會係全球最大嘅農場食品公園（AGRI-FOOD PARK）。要知道Eataly 本身係意大利最歡迎嘅超市，行得相當前，成功將農場、超市同餐飲一體化，全球各地都有分店。

今次FICO 作為Eataly 近年最大型嘅project，結合農場直送、餐飲、超市、樂園等幾個元素而成徹底所有無縫組合一齊，與其說食物樂園興建用來娛樂大眾，我覺得主題更具教育意義，因為FICO 的重點，似乎係園區內以「食物」為中心的宗旨，俾客人認識到食物從農地生長，到放上盤中餐的每一個環節。

每一日，FICO園內都有30個events同50個courses可供參加，圍繞6大主題，實際不論食物攝影、農場種植、製作意粉都有堂上，唔止啱情侶，仲好適合一家大細去遊園，不過我諗最受遊客歡迎嘅都係一日cooking class，好似啤酒、麵包、芝士同朱古力咁，老實講有齊仲有商場同無限間商店可以行，基本上呢個PARK已經滿足到一日嘅行程，仲有嘢學，有嘢拎返屋企。

FICO佔地超過100,000米呎，大約有24個足球場咁大，20,000呎係用於係農場同牧場，其農作物供應園區內的餐廳，其他包括6個教學室、1個戲院、1個劇場同1個可以容納1000人嘅會議中心。45 間餐廳不乏米芝蓮星級選擇，或者你想食Bistro，去Cafe飲杯咖啡，基本上都有好幾個選擇，所用嘅食材都係來自園區或附近地域，絕對係”Seed to Fork”嘅完美體驗。

你以為成個樂園咁多嘢行，咁多嘢睇，咁多嘢玩，入場費一定收得貴，唔係喎，原來入場費全免，預計一年會有600萬入場人次，真係同香港迪士尼嘅數字差唔多喳。