行入利源西街，招牌基本上完全被擋，不過這間主打Mix & Match卷物的新店，睇落日本風情帶潮味，還以為又是專為OL而設。配料大堆頭，份量亦「大件頭」，極具加州壽司風格。

看看點餐紙，食材選擇頗多，肉類、蔬菜、脆脆及醬料混搭，數量達40款，當中不乏玩味之選，好似蘋果啫哩、飛魚子脆脆、炸番薯等，配搭可算有新意。眼見大部份OL（好似得我一個男人lol），都在等外賣，可能因為店中只有少量座位，站著的人可多的是。

朋友堅持要我「自主獨立」，不可點六款既定配搭，結果在選擇困難症發作前，剔好黑芝麻醬、鰻魚、腐皮和蘆筍，每件卷物的橫切面都覺得好「擠迫」，暗嘆廚師的好手力，味道相當足夠，亦不會太鹹，黑芝麻醬意外配合重味的鰻魚。

Truffle My Roll $128

朋友則拿來牛肉卷和off menu的黑松露卷，第一件事就驚訝店家之大方，刨片的黑松露，完全不惜工本，卷內則有蟹肉、帶子玉子蛋、三文魚、露筍，沾上黑松露醬，然而食味卻沒有黑松露的霸道，出奇地友善。

Chotto Maki
地址：香港中環利源西街 3 號地舖
電話：5111 6074
營業時間：11:30am - 7:00pm（星期日休息）