{ SKIP }
文:MenClub William
POSTED ON 05 Jul 2018

中環街頭近日新開一間專賣越南河粉Pho,你話週街都有賣Pho啦,咦?蔡瀾開嘅,我OK!(Menu更寫明河粉唔夠食可以refill!)

我心目中最識食嘅「真食家」,必屬蔡瀾先生,無計因為真係叫做睇蔡瀾大,一副慈祥嘅面孔,仲有一個絲黃布袋,到依家都仲好印象深刻。喺佢節目同著作中,都不時提及到一個有關Pho 的名字——墨爾本​勇記​,更形容為「天下第一越南粉」,而今次蔡san喺中環開嘅新店,就係賣越南河粉Pho!

生牛肉湯河 $88

等陣先,你講緊越南河粉Pho,無啦啦會講墨爾本​勇記,唔係應該越南當地口味最正宗咩?事緣係咁,蔡san就話因為近年越南人都不重視Pho,反而身處國外的越南人卻極之重視傳統Pho(咦?個情況咁似香港嘅),而佢走勻世界各地,就發現墨爾本​勇記係做得最好嘅,佢亦有詳細描述過:「那碗湯頭用上至少有五十公斤的新鮮牛骨和牛肉以及香料在一大鍋長時間熬出來才有的清甜味道,拿捏火候精準度並非容易的一件事。」

越式酸辣湯檬 $68

今次在中環開的新店「蔡瀾Pho」,湯頭所用的就是墨爾本勇記的秘方,為咗食一碗Pho,蔡San都去到好盡,特地喺深圳成立一間5000呎的實驗廚房,多次邀請​勇記​老闆和他的團隊過來「教路」,從牛肉和牛骨的比例、香料的搭配、魚露的調味等等,要在50公斤以上的大鍋中不斷試驗,才調製出在澳洲​勇記​那最理想的獨特鮮味。

河粉亦下功夫,蔡San特別在店內增設一部製粉機,每日現造現煮新鮮河粉,食客可以睇到晒成個過程,大米浸泡至軟,石磨磨成米漿,再蒸熟、切割成粉。​

越南滴漏咖啡 $29

香茅烤豬頸肉 $58

泰國金柚沙律 $38

蔡瀾越南粉 Chua Lam’s Pho
地址:香港中環威靈頓街15-25號地舖

電話:2325 9117
營業時間:8:00am - 12:00mn
繼上星期的灣仔星街的Artemis & Apollo,香港又多一間新希臘菜,與ICHU Peru同屬一集團的Estiatorio KEIA,進駐中環最新的美食集中地 H QUEEN'S。
gourmet
中環H QUEEN'S又添一員 希臘菜餐館Estiatorio KEIA 12月尾強勢進駐 ...
14 Dec 2018
一入門口,個老細熟口熟面,做戲嫁?
gourmet
偷食(好西)無人知 尖沙咀最隱蔽德州煙燻美國菜
13 Dec 2018