大家認識英國大廚Jamie Oliver ，由初出道嘅「型仔廚師」，到大開個人餐廳，建立飲食王國，變身良心飲食家，到美國掀起兒童飲食革命，對「萬惡的糖」發起戰爭，提倡徵收糖稅，總之八足咁多爪，之不過風光背後，佢原來不停注資自己嘅旗下餐廳集團，挽救公司業務，金額已達1300萬英鎊。

或者早在上年9月，已聽過Jamie Oliver 旗下連鎖意大利餐廳「Jamie's Italian」瀕臨破產的消息，將近一年過去，公司的債務危機也沒有太大曙光。佢曾經宣布關閉旗下37家餐廳中的12家，裁員約600人。不過Jamie Oliver表示，Jamie's Italian負債高達7150萬英鎊，自己注資完再向滙豐銀行借款3700萬英鎊，先可以令公司繼續營運，免於破產危機。

他8月底接受英國《金融時報》採訪時表示：「我們的所有現金幾乎用晒，我們完全估唔到會咁，喺任何行業都是不正常嘅。公司每季都有業務會議，有董事局會議，管理層應該負責這些事務。」

即係咁，早前有人提及香港Jamie's Italian不停推出各種新優惠，甚至是以自助餐形式招徠客人，動作多多。不過問心嗰句，我並唔係打落水狗，水準只係符合一般客人的要求，要大家湧躍幫襯就未必會啦。