{ SKIP }
文:MenClub William 圖:互聯網
POSTED ON 01 May 2019
香港人血液留著火鍋湯底嘅精華,即使30度打邊爐都當然OK,最近中環就有間新火鍋店,就更容易令男士們熱血沸騰,因為店鋪環境裝修都似足怡紅院,古代多少男兒上青樓飲花酒,估你唔到我竟然可以喺食肆林立的中環雲咸街,就可以「大搖大擺」走入去「滾」。外父,我打邊爐喳!
一般嘅火鍋店基本上都難以滿足香港人,而今次呢間火鍋店,打正旗號由「去滾」出發,還原古代「去滾」好去處「怡紅院」,門口掛上紅紅燈籠,卡位包廂分別命名為「含春閣」、「吹蕭亭」,連個Menu 都叫做「賣身契」,每個細節位都照顧週到,不過最好笑都係變成保險套包裝的濕紙巾,即刻諗起電影《大丈夫》裡面一句對白:「唔滾唔知身體好!」。
以為環境擺大頭,食物自然差?「賣身契」上面種類繁多,足足有16款湯底選擇,包括用新鮮人參和粟米雞熬製5至6小時的「提神人參雞湯鍋」、先焗香波士頓龍蝦和車打芝士的龍蝦湯底「芝士.波龍鍋」、以懷舊避風塘煮法出現的「避風塘炒肉蟹鍋」。火鍋料都有驚喜,貨源極少的騸牯黃牛吊龍,即牛背脊肉,還有手切本地牛頸脊、手打丸滑、爆汁牛筋丸和自家製和牛餃等等。
除了火鍋,鋪頭就Lunch 都可以食埋,現代怡紅院都要處理埋客倌中午膳食,各款午市套餐均附老火例湯,保證足料、無味精,飲出住家感覺。午餐推薦招牌怡紅院炒飯,以炸蒜、海鮮、七味鹽炒至飯粒乾身,微微香辣吃得過癮。
唔好講笑,個花膠湯麵真係超足料,痴線嫁,係中環平均過百嘅Lunch,算係相當抵食!
內設吧台,必試酒保設計的特色雞尾酒,加入中式元素,玩味又令人回味。HOTPOT-JITO清甜解熱,以馬蹄、查特酒和椰子水等調配,清甜解熱。SHAOHSING HUA TIAO 則以當歸、花雕酒和Red Bull調製,具涼茶風味又帶酒香。

好老實,夠膽喺中環玩到咁盡,當真勇氣可加,細問之下原來幾位老闆都有家中大小,已為人父都咁有心機落手落腳,創作出如此「玩味」,有機會都要訪問一下。

怡紅院火鍋料理

地址:中環雲咸街43-55號余悅禮大廈地下B-C號舖及1樓102-4號舖

電話:31019968

營業時間:11:30 - 02:00(星期日至三)、11:30 - 04:00(星期四至六)



「大富翁」陪伴著大家成長,遊戲無分國界、老少咸宜,多年來推出不同版本亦成為世界上最受歡迎的家庭遊戲品牌之一!今個夏天「大富翁」更跳岀棋盤聯成帝京酒店花月庭推岀大富翁自助晚餐,令大家大飽口福之餘又能重拾 ...
gourmet
【食得嘅大富翁】大富翁跳岀棋盤聯成帝京酒店推岀主題自助晚餐 ... ...
08 Aug 2019
在現今這個千變萬化的時代裹,能堅守不變的傳統,可以話極為珍貴。就如Brooks Brothers和Mortons The Steakhouse,兩個截然不同的品牌,卻有著承傳美國文化和堅守傳統的相同核心價值。而今個夏季兩個經典品牌更破天 ...
gourmet
【Brooks Brothers X Morton’s The Steakhouse】品質傳統時尚的牛扒盛宴 ... ... ...
26 Jul 2019