{ SKIP }
文:MenClub William
POSTED ON 10 May 2019
呢幾日講起IKEA ,可能你就諗起「食唔食豆腐」嘅豆腐花味雪糕,之不過原來IKEA剛推出新產品三文魚鱈魚丸,旗下小食站仲推出咗限定小食「IKEA四寶丸」,一次過食齊瑞典肉丸、雞肉丸、素菜丸及三文魚鱈魚丸,雖然唔係俾你打邊爐,唔知你有無食過晒其餘三款呢?
我明我明,你去IKEA都只係口痕痕去食下熱狗,或者乖乖地坐低食翻碟10粒肉丸(因為15粒太多,我要食其他嘢),但其實IKEA餐廳及美食站都會定時定候推出時令食品,而最新作品就係三文魚鱈魚丸,選用環保海鮮製成,三文魚丸所用食材,來自獲得水產養殖管理委員會(ASC)認證的負責任水產養殖場,而鱈魚則來自通過海洋管理委員會(MSC)標準認證的漁場。
仲有經典瑞典肉丸、雞肉丸同素菜丸,湊理成「IKEA四寶丸」,$9 四粒(只限5月10-13日供應),同食魚蛋差唔多,大家高興就黎試試。
另外IKEA同時推出一系列全新健康滋味食品,令你食得健康又安心,餐廳供應嘅有「蝦串伴闊條麵及牛油果配忌廉汁」($49)、「慢煮雞胸藜麥沙律 」($36),而美食站供應嘅就有「薯仔魚塊配他他醬」($13)。
順帶一提今年IKEA Art Event為大家帶來一個揉合掛毯藝術、地毯工藝、前衛風潮、街頭文化和現代設計的短期限定系列。八位不同領域的創作先驅,各自設計了一張別具獨特風格及時代感的針織藝術品。八款系列產品將於五月中於中環PMQ設短期免費展覽,大家可看到「藝術生活化」的實踐——當代藝術「貼地」登場,化身成兼具實用性及藝術欣賞價值的日常家居擺設。系列將於5月20日於活動網頁http://bit.ly/2PFW0Eq進行抽籤登記,抽中的顧客可於5月25及26日親臨IKEA門市訂購心頭好。
想入現場睇拍賣。
gourmet
珍罕日本蘇格蘭威士忌出現拍賣會 唔知今年又炒到幾貴?
24 May 2019
中環友又多一個歸宿。
gourmet
中環最新夜場 餐廳酒吧Ignis by Linx登陸加洲大廈
23 May 2019