{ SKIP }
文:MenClub 波特先生  圖:互聯網
POSTED ON 09 Aug 2018

皇馬近年一直都想收購一名頂級門將,其中此前嘅第一目標為曼聯門將迪基亞,不過最終都係未能成事。而就喺呢段期間,門將拿華斯憑住穩定嘅發揮坐穩球隊首席門將位置,把守球隊最後一關,最終助球隊連續三年奪得歐聯冠軍。

不過,拿華斯出色嘅發揮未能贏得皇馬高層嘅歡心,佢地今年夏天終於完成心願,從車路士以3500萬歐元簽下比利時門將高圖爾斯,雙方簽約6年,呢位身材高大嘅門將係今屆俄羅斯世界盃嘅最佳門將得主,所以光環係有嘅,但呢樣卻可能唔足夠為佢即時贏得皇馬首席門將嘅位置。

雖然高圖爾斯貴為今年世界盃最佳門將,又助比利時奪得世界盃季軍,但係拿華斯喺加盟皇馬4年以黎有住唔少汗馬功勞,其中佢為皇馬上陣左141場比賽,贏得3次歐聯冠軍、1個西甲冠軍、4個世冠盃冠軍、3個歐超杯冠軍以及1個西超杯冠軍。

因此,如果新一季就將拿華斯從正選門將位置撤下,相信球迷們一定唔肯過佢,甚至一班球員亦都未必想見到,再加上教練盧比迪古都係初到貴境,佢應該都未有咁嘅能耐去做呢件事。當然,高圖爾斯絕對會係皇馬嘅未來,但係黎緊一季應該未必可以搶走拿華斯嘅正選位置。

高圖爾斯個人資料:

年齡:26歲

身高:199cm

國籍:比利時

個人榮譽:世界盃最佳門將(2018)、英超最佳門將(2016-17)、歐聯最佳陣容(2013-14)、西甲最佳門將(2013)

拿華斯個人資料:

年齡:31歲

身高:185cm

國籍:哥斯達黎加

個人榮譽:歐聯最佳陣容(2016-17)、Facebook FA西班牙最佳門將(2016)、CONCACAF最佳門將(2016、2017)

其實除左拿華斯同高圖爾斯,皇馬陣中仲有其他一隊門將,其中包括卡斯拿、施丹兒子盧卡施丹以及用左1350萬歐元新收購嘅天才門將盧寧。其中卡斯拿係皇馬近幾季拿華斯嘅後備門將,但係表現因未有經常上陣下狀態一般,所以預計新球季好大機會離隊;盧寧則被皇馬視為未來首席門將,但由於太過年輕預計會被外借出去鍛鍊幾年;盧卡施丹喺施丹離隊後無左父蔭,雖然表現尚算令人滿意,但係上陣機會不大,所以亦都好機會被外借或送走。

綜合上面皇馬5位門將,新球季拿華斯應該可以繼續坐正正選位置,而高圖爾斯好大機會喺盃賽中上陣,而第三門將就睇下會留卡斯拿定係盧卡施丹了。

【音響藝術】日本相架式歌詞喇叭Lyric Speaker Canvas 如果你家或辦公室需要一個型格,有格調高雅裝飾而你又自問是音樂人,介紹返一個超正的日本另類無線喇叭Lyric Speaker Canvas,一如其名,產品係一個無 ...
hobby
【音響藝術】日本相架式歌詞喇叭Lyric Speaker Canvas
16 Nov 2018
【影音討論】如何選擇合適的無線喇叭 如何選擇合適的無線喇叭 作為一個音響發燒友,自然對無線的喇叭抱有偏見,無線等同音質的妥協,要考慮音質優先,一定唔會玩無線,不過世界的潮流已經改變,無線喇叭的易用 ...
hobby
【影音討論】如何選擇合適的無線喇叭
16 Nov 2018