相比Spotify，Apple Music 或 KKBox 等主流音樂平台，SouldCloud 可能比較少香港人認識，但係如果你有留意開各地嘅獨立音樂嘅相信就唔會對此陌生，因為 SouldCloud 呢個音樂平台除咗可以比我哋聽之外，我哋更加可以喺上面發佈自己創作嘅音樂內容，更可以同其他 Creator 交流，因此受到好多獨立音樂 Fans 追捧。

SouldCloud 至今誕生雖已經有十年，但其介面亦無太大改變，實行著「夠用就得」嘅極簡主義。雖然介面大同小異，但亦有因時月推移，同方便用戶而新增嘅功能，例如：首頁上嘅 Top 50 歌單，將今個星期喺 SouldCloud 最多人播放嘅頭 50 首歌放上首頁，方便用戶追 Trend；類似 "NicoNico" 嘅「彈幕」功能，用戶可以喺每一首音樂嘅任意時間點留低 Comment，同其他樂迷或 Creator 分享自己嘅獨特見解。

就喺早幾日，SoundCloud宣傳將會推出自家嘅 “SoundCloud Weekly” ， 其功能就類似Sportify 嘅 “Discovery Weekly” 咁，定時定侯有個由平台特別依照你平時嘅音樂品味而訂制嘅歌單，讓用戶更方便簡單咁發掘新音樂。

https://twitter.com/SoundCloud/status/1039152382708510720

當大家有時都會對各大主流音樂平台有微言嘅時候，例如：歌唔齊；價錢貴，UI唔夠User-friendly。我會提議大家試吓用SoundCloud，特別係你聽開西洋音樂嘅就更好，因為無論係獨立音樂單位，或者係已經浮上水面嘅歌手，都會以 SoundCloud 作宣傳同分享自己嘅音樂。作為獨立音樂嘅愛好者，我係十分樂見呢個獨立音樂嘅搖籃去不斷進步。

SoundCloud