喺過去無耐嘅七月尾，香港年中盛事——香港動漫電玩節就完滿結束咗。喺呢個展覽入面其中一個部份：Heartbeat 動漫音樂祭，就係由主辦邀請日方嘅動漫音樂演唱者嚟到香港演出。而今年人氣度最高嘅歌手，無疑就係呢篇嘅主角——酸欠少女 さユり（下稱 さユり）。

さユり從小就同音樂結緣，上到國中嘅時候更加將自己的生活重心從平常嘅學業轉移到音樂上面，開始唱作生涯，而且和自己的國中朋友組成二人歌唱組合 LongTal ，並且參與全國不同嘅歌唱比賽中。喺佢只有15歲的時候，佢用自己創作嘅歌曲參戰YAMAHA THE 5TH MUSIC REVOLUTION，並從中獲獎。在比賽後一年，さユり毅然從高中退學，隻身一人去到東京都，為嘅係追逐著音樂夢想。

15歲的さユり在 The 5th Music Revolution JAPAN FINAL 中的參賽演出，歌名為《 るーららるーらーるららるーらー》，創作意念源自對自己各種厭惡感與不信任感，討厭著害怕人群嘅自己。

佢好怕人，亦好怕同人溝通，無法融入群體之中，喺佢16歲嘅時候作嘅《酸欠少女》一曲亦因此而來，同時亦係佢作為歌手嘅銜頭。喺日文中，＂酸欠＂一詞嘅意味係缺氧，佢正因為交際困難常有窒息感而以此取名。畀著你係呢啲人，就算係孤立自己，生活喺自己嘅舒適圈中都可以講情有可原，但さユり並沒有，反而更加主動跳進人群當中，在新宿街頭進行街頭演唱，具實力嘅演唱，使佢嘅聲名好快就傳開去。

一連串大膽嘅舉動，加上佢嘅心路歷程，除咗造就出其獨特嘅創作內容以及更成熟嘅演唱力外，同時更令思想更加獨立，為其全身投入音樂界打好基礎。

距今出道短短兩年幾三年，由寂寂無名，變得愈來愈多人知曉，甚遠至海外，除咗因為自身功力夠之外，亦有動畫歌曲—— Ani-Song作助力，出道以來曾演出多首動畫歌曲，包括《Fate/EXTRA Last Encore》嘅片尾曲「月と花束」同《人渣的本願》嘅片尾曲「平行線」，佢獨特且標誌性嘅聲音，可以話十分適合演唱Ani-Song。

《Fate/EXTRA Last Encore》ED—「月と花束」

さユり近期嘅動態除咗嚟緊十月嘅日本國內 Tour ，仲會再次為動畫獻聲！曾經為上文提到嘅動畫演唱歌曲嘅佢，將會為《黃金神威》動畫第二季演唱，而且係同日本搖滾樂團 MY FIRST STORY 合作嘅歌曲——「レイメイ」，Fans們呢個十月除咗有 Tour 睇，仲有久別嘅新曲！

當然位處香港嘅我哋，喺十月嘅時候さユり都會嚟到香港舉辦個人演唱會。上次嚟香港動漫節嘅時候已經迫爆看台，而且吸引唔少傳媒都有專程訪問，相信今次同樣都係咁有迥響，雖然門票已經售罄，但係大家都係可以繼續留意呢位無論作詞，演唱風格同佢嘅嗓音都十分獨特嘅2.5次元歌手——酸欠少女さユり，絕對係一個前途無可限量嘅日本新生代唱作歌手。