{ SKIP }
文:MenClub 熊熊  圖:互聯網
POSTED ON 13 Nov 2018

《Final Fantasy》(太空戰士),相信各位機迷都有一定認識,更係RPG Game 嘅代名詞。正傳計,已經出過15集,當中包括埋兩集online 版。一集一隊人馬嘅主角角色,所以早前Square-Enix 推出咗一款名為《DISSIDIA》嘅遊戲,主要集結咁多集主角嘅人物,再構成一個新故事,就好似《水滸傳》咁。之後再喺PS4 推出哩款名為《DISSIDIA NT》嘅遊戲,伙拍光榮一齊推出哩款格鬥式嘅遊戲。嚟緊嘅月尾將會推出免費版嘅《DISSIDIA NT》- Free Edition。

心水清嘅朋友應該知道,依家嘅所謂免費Game,其實係「課金」Game。

哩隻免費版,係可以同付費版《DISSIDIA NT》一齊入online mode 玩,仲可以玩完覺得好玩升級做付費版添。

既然有分收費同免費,咁免費版實有啲閹咗嘅嘢,唔係咪對一眾已付款老闆好唔公平。

免費版同付費版嘅差別在於,免費版嘅可用各角係有限時,暫時公佈資料係每星期都有四個角色可以用,而過咗一個星期後,免費角色將會再換。可以放心嘅角色係會喺某年某月某日回歸再用,到時又可以再用。

另一樣嘢係,無咗Story Mode。雖然啲人都對個Story Mode 嘅評價都唔算太好,但都有大量精美CG 動畫睇,都不失為付費嘅賣點嘅。

當然,如果你只係得閒玩下,每星期都有唔同主角去輪大米,相信都好滿足到你。但如果你話練咗一個角色,又覺得佢好好用,咁你就可以獨立咁用800円買起佢,你就可以長用啦,而且你仲可以畀多300円買埋佢第二套衫同埋武器,畀多多300円買埋佢第三套衫同埋武器,第四套起仲要特價100円咋......

總之「課金Game 模式」啦!

遊戲亦會喺免費版推出時,更新一個新嘅「Mission Mode」。其實都唔需要太解釋要做乜啦!重點係會得到啲咩啫。而解咗任務,係可以得到金幣......!!而哩啲金幣你可以死咗條心,金幣只可以用嚟買BGM 同埋player icon,係買唔到角色長用㗎。

其實,Square-Enix 哩個方法幾好,引你去免費玩,但又會同付費版嘅人一齊online play,咁又可以睇到免費同付款嘅差距,鍾意一個角色,又只係需要800円就可以買斷長用,算係一種導人入門嘅方式,一齊睇下11月22號遊戲推出時,Server 頂唔頂到啦!

當然慣例一系列唔同嘅Package、DLC 買嘢例表同埋價錢啦!

詳情可以到官網:DISSIDIA NT Free Edition

《DISSIDIA NT》- Free Edition

平台:PS4
遊戲類別:格鬥
費用:免費(另有DLC 及 Package 購買)
推出日期:2018年11月22號

由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024