老任嘅Switch 向來都用佢對Joy-Con 嘅創新玩法做賣點，今次嚟到「拳擊」哩個題目啦！遊戲名為《Fit Boxing》(英文版稱為Fitness Boxing)。

今次哩隻遊戲，同之前出過果隻《ARMS》有咩分別呢？之前果隻主要係以對戰為目題，而哩隻遊戲以「跳舞音樂遊戲」為藍本，喺唔同嘅時間準確做出相應嘅「拳擊動作」咁就可以攞到分，之後再會例牌嘅統計成績咁啦！

講到哩度，有玩過另一隻音樂遊戲《Just Dance》系列應該有幾分相似，但遊戲就唔係以音樂同為主，係以不同形式嘅拳擊動作為主。感覺有啲似跳緊《鄭多X》。而《Just Dance》多數係單手玩(計分)係到2018版先有Double 手玩，但歌同動作都好悶...哩隻就可以用晒一對Joy-Con 咁玩。

遊戲當然唔止得一個角色咁少啦！仲有仲有唔男男女女咁啦！重點係每為角色都有聲優聲演。

當然，一邊練拳一邊聽住音樂去出拳，暫時公佈歌都有唔少，Lady Gaga 已經好夠做了。可以雙打㗎，快啲搵埋你個愛伴一齊練拳減肥啦！

《Fit Boxing》

遊戲平台：Nintendo Switch
發售日期：2018年12月20日(預定)
預計售價：5,800円(不連稅)
玩家人數：1-2人