作為一家美國公司，Netflix 平台上大多嘅作品，不論是電視影集，電影或是紀錄片等等，主要都以美國本土作品為主。

而隨著時間推移，Netflix 嘅業務更趨全球化，除咗喺世界各地設立分部，以及開通其串流影音服務外，其影音庫亦增添各國嘅異軍，除咗主流嘅影音出口國如歐洲代表英國及亞洲代表日本外，近年亦陸續加入新力軍，當中我哋身處嘅香港亦有兩部電視影集喺 Netflix 全球性上架，分別係大王宋本中嘅《反黑》；以及近日上架，王貽興同劉翁自編自導自演嘅《陽關道》。

至於今日講嘅《少女救地球》，則係來自比利時嘅電影作品。電影以末日作主題，故事講述人類們喺地球經歷了一次末世浩劫後，世界上人口大幅減少，加上環保變得並不宜居，所以倖存者們決定棄守家園，逃往木星一號衛星。

雖則如此，但亦有經歷末世浩劫後的倖存者決定留守地球，故事主角珊曼莎就係其中一員，作為一名少女科學家，佢一直留守到最後，直至最後一艘太空船開往遙遠人類太空殖民地之際，佢留守嘅決心因另一位倖存者麥卡嘅到來而動搖…

少女亦要為去或留作取捨，到底要去外太空重啟新生活；定係留喺地球，為地球存亡繼續奮鬥呢？

《少女救地球》仲未有得睇啦，但相信其譯名好大機會已經交代珊曼莎嘅決定。喺末日電影當中，講述喺末世中主角群如何喺末世中求存實屬常見；而《少女救地球》中其爭扎並不只限求存，主角更同時要面臨逃走及與地球共存亡兩難之缺擇當中。

主角珊曼莎由 Netflix 版《死亡筆記》中嘅 Mia Sutton 飾演者——Margaret Qualley擔任；至於麥卡則為 Marvel Universe 中飾演獵鷹一角嘅 Anthony Mackie 飾演。

《少女救地球》—IO ，將會於一月十九日喺 Netflix 平台全球上架。