日本人對於我國嘅歷史，特別鍾愛三國哩一段，研究出嚟嘅遊戲同故事都多不勝數。在於玩具模型而言，B記一直都有SD三國系列推出，之前嘅「真三國」系列推出完之後，就沉寂咗一排，以為哩個系列會摺埋之際，早前預告會推出新嘅「三国創傑伝」。依家終於公佈「選角」，而且更有試模樣出嚟。

主角方嘅蜀有：劉備獨角獸高達、關羽Nu高達、張飛神高達。劉皇叔又再坐入金蛋級主角了⋯⋯

魏：曹操Wing高達；吳：孫堅迷惘高達、其它：董卓天意高達。睇嚟魏國果邊會係《W》系列，而吳國三父子將會由GP系列變成迷惘系列。

仲有其它將會推出嘅：趙雲00高達、貂蟬剎利亞、呂布新安洲。哩三隻都非常吸引。

睇嚟主角機同兼用產品嘅關系，獨角獸出得幾好，好多位都有分件。

原本係孔明嘅Nu，今次轉咗做關公，亦增加咗唔少透明件，感覺高級咗好多。

神高達由奸角變返做主角，真係一眾Fans 福音。

期待新一輪嘅SD三國產品推出，因為真係又平又好玩。

SD高達 三國創傑傳

推出日期：由2019年3月30日起
售價：600円起（未連稅）
比例：SD、BB戰士