哩兩日忽然間熱到好似夏天咁，係個天提你夏天就快到，要同陽光海灘玩遊戲。B廠就喺網上平台預先推出一系列全新嘅吹氣水上遊玩器具，帶去海灘玩，特登之餘又唔覺得沉悶，絕對係必備Item 之一。

先嚟28CM 直徑嘅Haro 沙灘波，吉祥物嚟，又係波形，個樣又夠晒cute，仲有埋粉紅色版，仲唔快啲搵返啲女伴去海灘鬥下波。

推出日期：2019年5月預定
size：直徑~28cm
售價：800円(未連稅)
資料來源:Haro形吹氣沙灘波

講到海戰，又點少得魔蟹呀！依家就用魔蟹嘅造形推出一人用浮床，坐就難啲，畀你趴喺度就非常適合啦！馬沙專用嘅紅蟹，量產型嘅青(藍)蟹，兩款都有，外型變到超萌，到時同女伴一人一隻，嘩！諗起都開心。

推出日期：2019年5月預定
size：~80cm
售價：3,800円(未連稅)
資料來源:魔蟹形吹水浮床

四聖獸點止魔蟹一款丫，仲用近年一改造形變成另一萌主熊霸嘅本體─龜霸。哩款哩隻大啲，而且個頭頂比較平，相信可以坐到一個人上去，咁就好玩好多啦！雖然比起魔蟹少咗啲萌嘅感覺，但夠大隻又坐得人，吸引度大增。

推出日期：2019年5月預定
size：~100cm
售價：4,800円(未連稅)
資料來源:龜霸形吹水浮床

當然啦！點會少得人氣度最高嘅渣古頭呢！同魔蟹一樣，都係一人型浮床，雖然同龜霸一樣都有100cm，但造形之別，應該只可以趴上去，紅渣有角三倍速，應該勉強有得扶住咁坐上去嘅......

推出日期：2019年5月預定
size：~100cm
售價：3,800円(未連稅)
資料來源:渣古形吹水浮床

之前扭蛋亦推出過相關嘅產品，就係吹氣劍盾。今次有高達RX-78-2同老虎嘅劍盾。主要係配合埋佢之前推出嘅水槍一齊玩，群P啱玩！重點係夠平嘛！1千円就有一套啦！

推出日期：2019年5月預定
size：53~66cm(視乎武器)
售價：1,000円(未連稅)
資料來源:RX-78-2 / 老虎 吹氣武器

雖然日本果方面已經訂完第一波，但相信反應良好要再販絕對唔係問題，而如果有愛，應該好多渠道可以訂購到，希望各位有個好玩嘅Summer 水戰啦！