{ SKIP }
文:MenClub 熊熊  圖:互聯網
POSTED ON 13 Jun 2019

小熊並非對音響有啲咩特別嘅認識,但對音質都有小小要求,起碼清晰,聽得到人講嘢,唔係下下靠睇字幕,而依家嘅電視,始終只集中喺畫面上嘅升級,聲音真係「得把聲」,所以買咗4K 電視,都有配返套山巴(Soundbar)。日前舊果套Philips Fidelio b1 忽然間壞咗,好啦!唯有搵果套啦!聽完「山巴」嘅聲,再聽返電視嘅聲,真係連新聞都聽唔慣佢哋嘅聲音。父親節臨近,哩套polk MagniFi Max 都值得大家參考下,孝順下爸爸。

個盒巨大到一個點,事關佢套「山巴」主體已經長109cm,幾乎長過晒市面上嘅「山巴」(一般長93cm)。個盒都幾重,咁嘅Size 同重量梗係等送貨啦!

拆盒小插曲,以為喺斜面果邊開盒,點知開完先知乜都抽唔到出嚟!要開返正方形果面,低能咗!

一抽出嚟就見到Accessory Kit Box。配件齊全:英/美式嘅電源線、HDMI (High Speed)、光纖、3.5 audio、soundbar 火牛、Wall Mount 以及用白布袋袋住嘅遙控,說明書都附有1:1 嘅「Mark 窿紙」畀你,方便喺牆度鑽窿,相當貼心。

八吋直徑嘅低音元,令到低音箱有返咁相下size,成張櫈仔咁款,外型亦唔係四四方方嘅傳統樣式。

同之前b1 嘅低音箱比較。由於大咗音元嘅關系,低音嘅震撼提升幾十倍。

同部50吋電視長度相約,無遺和感。雖然左右兩邊畀電視櫃框住,但由於左右兩邊係透氣孔,無聲出,所以唔影響山巴本身嘅音質。而山巴本體接口非常豐富,光纖、3.5、Lan、Wifi、HDMI, 當然藍芽都唔少得啦!值得一讚係HDMI in 有3個,終遲可以甩開電視,用盡Soundbar 去接晒啲HDMI產品,而且Support HDMI Passthrough 可以Support 到4K HDR 以及DV 有足夠嘅升級配套能力。

遙控非常簡單,唔駛多講,看圖識字。而新嘅山巴足足有小熊舊果套b1 嘅三倍長度。唔計技術比較,實物上已經贏晒,雖然小熊始終鍾意舊果套嘅「的式」。

(原諒小熊唔想太過CCTVB畫面,所以張相係影成咁),對話人聲清咗好多,用埋專有技術Voice Adjust 更顯得「咬字」準確咗,哩個優點喺電視表達無咁強,電影就明顯特出Voice Adjust 嘅強處。金庸套嘢賣廣告時果段音樂聲層次多咗,唔止聽到嘭嘭聲,仲聽得清楚咗中間笛嘅聲(可能係簫,恕小熊唔懂笛同簫聲)

再用PS4 播Netflix,經HDMI 至山巴再駁入電視,揀咗套口水多兼嘢嘢細細聲咬耳仔嘅《格雷的五十道色戒2》嚟試Voice Adjust。正如之前所講,「咬字」清晰,尾音嘅"S"、"T" 哩啲字都聽得好清楚。細聲咬耳仔嘅對白都集中咗,容易聽到。而中間舞會時,男聲Jazz 果段非常好聽,小小磁性嘅男聲,引你進入舞會,參加派對。

同樣用PS4 Pro 試播《死侍2》BD,果啲咩特別槍戰,炸哩炸路無謂講,大家大可以落舖頭試聽,只係特別聽返開頭果段,Deadpool 瞓落油桶果下聲好有空洞感,果下「咚」一聲表現得好有臨場感,然後喺天台跳落去果下有隻白鴿飛過,再聽到佢由左邊大樓廈跳入右邊大樓,爆璃玻,再踢到心口,全程唔同聲音嘅轉變,層次嘅漸進,完全表達到,表示收貨。另一樣嘢關乎於PS4 Pro設定,經PCM 出聲畀Soundbar 無 RAW 掉畀Soundbar 做得咁好,比如開到炸散自己果下,之後啲火烘上嚟,就聽RAW 嘅效果現場感較好。

遊戲就試下PS Plus 哩排免費嘅音樂節拍遊戲,嗯!就係嘭嘭嘭聲,因為佢真係出招係嘭嘭聲!

播碟方面播放小熊最愛嘅《張學友活出生命演唱會》,人聲高中音都唔錯,如果開大個低音,鼓聲等嘅背景聲會好鮮明,絕對係可以用當做家庭音響。係唯獨小提聲就唔多得,好似無果種小提琴嘅溫柔。

另一個賣點,內置Chromecast (Audio) 可 support Google Home,可以透過Lan 或者Wifi 播歌,無量質數同方便度都遠勝藍芽,亦可調節聲音大細。只要裝晒哩兩個app 跟返指示,輕鬆接上。如果你得一部嘢,Google Home 你未必會有用咩特別,但如果多過一部,就可以音樂通屋企走。不過最重點係可以Support Chromecast 嘅App 都可以放聲去播,放完你可以按你Playlist 播嘢,你部機可以繼續畀你仔仔去玩...

好啦!有Support Spotify,就試下啦!雖然係免費account 嘅歌曲,有SDA 技術加持,可以物理性加強聲音,唔係絕粹大聲咗,試播任賢齊《我是一隻小小鳥》男人嘅輕聲無助好感動,唱副歌小小鳥時更有種清唱嘅真人感。而五月天同陳綺貞合唱嘅《私奔到月球》輕快感會令你跟住「um」,而女聲亦好甜,好甜!而藍芽...Sorry 真係覺得無咁嘅需要去試,大家都應該好去少用到掛...

有一點要注要,哩套嘢有另一個版本:MagniFi Max SR 有埋兩隻無線後置,令原先3.1 嘅soundbar 變成5.1 環迴立體聲,不過諗起要鑽牆掛嘢,再走多兩個火牛,仲有,兩隻後置賣千五蚊,我就打消咗哩個念頭,買3.1 就夠了。留意網上價,三千五蚊,落舖頭問問,價錢絕對令你有驚喜,突破埋小熊心理關口即時扑鎚買。

polk MagniFi Max 3.1 Soundbar

支援音效:Dolby Digital、DTS -X
無線連接:藍牙:Wi-Fi(2.4GHz/5GHz)
輸入端子:HDMI × 3、光纖、3.5mm audio
輸出端子:HDMI arc
體積:1,092 × 96 × 53.1 mm(Soundbar)、369 × 371 × 307.6 mm(超低音)
重量:2.74kg(Soundbar)、6.12kg(超低音)

由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024