強勁過小強嘅星矢與他的隊友，打到依家都仲打緊，合金玩具產品出完一輪又一輪，今次出嘅合金產品唔係常見嘅玩具，而係黃道十二宫黃金聖衣嘅頭盔掛飾，單獨一件用，可以當係星座代表掛飾呢！日本人深信血型同星座，掛件嘢代表你係咩星座，可能容易搵到相配嘅對象呢！

造型好細粒，但頭盔一樣仔細，有寶石位都有上色，中間位置有星座嘅Symbol。金合成品，加上聖衣嘅金色，掛喺背包囊，陽光底下，閃閃生輝，都係一件唔差嘅掛飾嚟。

揀啱你嘅星座，每粒盛為二千七円，百幾二百蚊買金合，值唔值就睇個人啦！但今次哩套合金品係日本製，而非玩具嘅中國製，貴少少買日本質素，都係有原因嘅。

如果你係儲開星矢系列嘅，當然官方非常貼心咁推出咗禮盒裝，一次過儲晒成套。禮盒面亦燙有《聖闘士星矢》Logo。一入星矢深似海，未入過玩具嘅星矢Fans，入哩套都係好事嚟嘅。

《聖闘士星矢》合金掛飾

推出日期：2019年9月
售價：單品:2,700円(連稅) / 禮盒裝:32,400円(連稅)
Size：~5cm
質材：合金
產地：日本