哈囉(Haro)一直都係高達嘅吉祥物，早前推出過嘅細細盒HAROPLA 系列，一度成為熱話。出咗唔同款式，都係改改色、加耳仔、加大炮咁，好快就令人覺得悶，就好似之前細熊仔咁。但只要動動手，發揮一下創意，哩個「波波」都會變得好好玩，日本有神人 - 5saiji 就將佢哋變成自護嘅機體波波，完成度直逼官方量產產品，覺得悶，就試下動手玩啦！

先嚟都係人氣之王馬沙嘅紅渣古，加少少配件就完成啦，經典馬沙Side Kick 都做到！唯一難度係動力管，可以向現成嘅SD產品殺肉都得嘅。

點殺肉？用隻老虎教下你。兩邊膊頭嘅虎釘係Signature，仲有左手呀！如果做埋光束刀就perfect 啦！

開始到高手向少少嘅愛爾魔蟹，要自制配件量較多，而且要鑽好多窿，又要對稱，真係好難做，不過爪可以搵返SD蟹仔去改，仲可以郁添。