《孖寶賽車》，相信咩年齡層嘅人對佢都有相當認識，一直都係任記遊戲機嘅王牌。而孖寶品牌早前先以《Mario Run》打入手機遊戲市場，由於都係單機遊戲，所以突顯唔到手機玩遊嘅優勢，但今次《孖寶賽車 巡迴賽》(MarioKart Tour) 就唔同講法，可以同世界各地嘅人連線一齊鬥餐飽。官方日前開咗事前登錄，以日系手遊習慣，事前登錄都會有一定獎勵，大家Ready 未？Go...

玩開都熟口熟面，各式各樣嘅賽道，當然亦易於開發，所以世界各地嘅主題賽道都重現喺本作入面。加上遊戲進入手機市場，要更新加減賽道都非常方便，而且玩家量絕對係一個吸引之處。

重點，將追求速嘅賽車GAME帶來一股新嘅玩法熱潮，之後出現一堆以可愛為主嘅《陸沉鳥賽車》、《狡猾狼賽車》、《刨刨卡丁車》等等一堆堆哩重玩法嘅遊戲。道具係主宰遊戲勝負嘅關鍵，一件勁嘢可以令你追返上頭三名絕對唔係無可能，哩隻GAME正正係話你知，你點劣勢都好，只要堅持，到最後都有機會追返上嚟。

角色育成，係遊戲嘅另一個重點，唔同角色嘅能同車嘅配件配搭出唔同嘅玩法，加上可以隨時上網鬥車，有排玩都唔覺得悶。

相信以人氣＋便利性，絕對會帶出另一波嘅《孖車》熱潮，依家登陸定，到25號時可以睇睇有咩正嘢送返。只要有Nintendo Account 就直接用佢可以了，有Switch 嘅朋友一定唔會無，無都係好簡單咁申請返個就得。

《瑪利奧賽車 巡迴賽》(MarioKart Tour)

平台：iOS、Android
遊戲類別：賽車
售價：免費(課金制)
推出日期：2019年9月25號（現在開放預先登陸）