日本好多工藝係神級，相信大家都知道，但民間亦有唔少神人，可以化腐朽為神奇，今次哩位「Tsu_ku_ru_san」將大家一直當係外包裝，拆完就掉嘅卡通箱，變為一件件大家熟悉嘅動漫武器，你都咪話唔神。當中佢嘅個人(團隊？) Youtube Channel 更有詳盡嘅影片教學，有心想自己都整返件嘅，快啲同阿婆爭返啲紙皮箱啦！

最近有人將神人一啲制作過嘅成品剪輯成一條介紹式嘅影片，而武器道具全部都以1:1嘅比例重現(巨型機體嘅就以人體比例)。最重要係大家只要肯動手都一定會做到，雖然講就係用卡通箱嘅E坑紙，但實質佢有好大量大件件製作時，係用貴啲嘅大坑紙，所以都唔係無成本㗎！但如果大家真係想做一件高質啲，果少少錢真係算得係乜丫，相比起製作過程中所付出嘅心機，真係小毛見大毛。

下星期又再推出嘅《芒亨世界 － 凍土》見到哩把嘢都住係一包大殺傷力武器嚟，咪睇佢好似一把好簡單嘅武器，佢真係可以好似遊戲入面咁，重演到收納同擴張，而且係連動機關，非拆件重組。

跟主落嚟係《遊戲王》初代嘅決鬥盤，動漫加入可以摺起一部份，等佢無咁大長條，哩個機關都做埋，真係一絕，相比原裝果個盤，應該輕啲。我的回合，抽卡！

《鉄血的孤兒》入面巴巴托斯第六型態嘅一把大型「恐龍頭鉗」，開合機關做到係小嘢，最神嘅地方係，果個鏈鋸都做到，佩服佩服。

《悍戰太平洋》哩把鏈劍看似係機關入門嘅製作學習對像啦！

唔好睇小哩把太刀剪，機關其實係好難製作，而且把刀勁多流線型，無返咁上下刀功都做唔到。

雖然喺《狐忍》嘅世界，實體武器係被忽視嘅一環，但相信係最易整嘅一把武器，細心cut 好一邊之後，照住cut 埋三邊，組裝就得嚕！

又一難度之作，機關加上多重曲線，真係cut 紙都有排cut。

難度開始越嚟越高，重復相似製作之餘，仲要安比例縮小，即係無得照住cut。

《隻狼》哩把斧仲要做埋前臂嘅機關，完全「度身訂造」。

浮雕式嘅紋都做埋出嚟，我見到果種時間同心血。

浮空式嘅機關都做埋，我已經佩服得五體投地。

唔止睇得㗎，哩把手槍真係玩到㗎！

哩把真係大製作，入面嘅機關同埋心血真係睇到眼都凸埋。

剪輯版可以睇下哩個Facebook Video:

https://www.facebook.com/3299rmb/videos/944344142568476/?t=20

另外神人都有Youtube Channel、Twitter