{ SKIP }
文:MenClub 波特先生  圖:互聯網
POSTED ON 01 Nov 2019

坐擁八面奧運金牌嘅田徑王者「閃電」保特,雖然已經離開左田徑場,但作為運動員嘅身份卻仲未離開佢,繼之前加入職業足球隊後,佢又想加入美式足球隊繼續運用其運動天賦。

現年33歲嘅保特,目前仍然未有全面結束運動員生涯,有指佢有興趣加入NFL聯盟,但只著意兩支球隊,佢地分別係新英格蘭愛國者及綠灣包裝者。

保特接受訪問時指,如果以上兩支NFL球隊打比佢,叫佢加入球隊,佢將準備就緒可以即時加入。作為美式足球員,相信唔少人都希望可以同Tom Brady或Aaron Rodgers成為隊友,特別係作為接球員。

雖然保特並唔係一名美式足球員,但佢擁有無與倫比嘅速度,身型亦都非常強壯,所以如果佢出現喺美式足球場的話將會係一個巨大嘅威脅。要知道保特身高6尺5寸,40碼衝刺只需4.2秒,速度已經屬於NFL頂級。

不過,單純擁有速度及身型於NFL係唔足夠的,你仲要懂得防守及跑位,所以如果保特能夠提升以上嘅能力,作為特別球員佢仍然有機會出現喺NFL的,但當然機會並唔大啦,就好似佢踢足球咁,最終都只係失敗收場。

網紅Jake Paul 及Logan 兄弟近年醉心打拳,更多次於不同賽事與名人、球星、前拳手較量,每次都吸引到大量注金同最重要嘅資金。而Jake Paul今日就宣佈,將於7月20日與前世界重量級拳王Mike Tyson進行表演賽,而且賽事 ...
sports
【網紅】Jake Paul七月擂台戰泰臣 Netflix有得睇
08 Mar 2024
球證應該點樣界定畀黃定藍牌呢?
sports
【足球】傳球壇將引入「藍牌」制度 被罰球員需離場10分鐘
09 Feb 2024