數數手指仲有廿幾日就到聖誕，每到大時大節諗送乜俾另一半都諗到頭都爆。你知架啦，一旦送錯除時手都有機會分，不過唔緊要，等我幫你精選一D聖誕禮物，包另一半收到後訓著都識笑。

Philips Lumea Prestige IPL 

宜家市面上脫毛療程嘅價格可能幾千銀都只係脫到手臂位，但Philips呢部彩光脫毛器一部就可以脫曬全身上上下下嘅毛毛。面部，腋下，比堅尼位，腿部通通都可以脫。産品經由皮膚科醫生共同研發，療程十分安全，敏感部位亦可使用。咁就安心女朋友用啦。

HK$4998

Dyson Airwrap™ Complete 造型器

Dyson風筒基本上年年都講，大家都應該唔陌生，不過今年新推岀嘅Airwrap造型器大家又點睇呢？全套Dyson Airwrap包含多個不同配件，例如造型梳，捲髮配件，就連風筒配件都有齊。不如今個聖誕諗諗佢，送俾女朋友等佢靚住過聖誕。

HK$4280

CHANEL N°5 L'EAU

限量版N°5 L'EAU EAU DE TOILETTE

CHANEL香水可能好多男士都送過，不過今年CHANEL N°5換上新限量包裝，紅色玻璃瓶神秘又高貴，簡直係送俾女朋友嘅首選。N°5 L'EAU是以五月玫瑰同茉荊花為主嘅純淨花香香調。

HK$1600/100ml

Fresh玫瑰保濕護膚套裝

送護膚品就最無死，咁就唔怕女朋友詐型啦。Fresh嘅套裝包裝亦落足心思，加上呢套係Fresh岀名嘅玫瑰系列，收到個個一定俾你冧爆啦。

套裝包括：玫瑰保濕噴霧 60ml，玫瑰保濕面膜 30ml,，玫瑰深層保濕面霜 30ml，黃糖玫瑰粉紅潤色護唇膏 SPF 15 2.2g

HK$540

Estée Lauder Powerful Nighttime Renewal

晚間修護力量套裝

啦～介紹多套過你地，呢套有齊女士們晚間護理所需嘅用品，做一個好男朋友當然要全面咁錫住女朋友幼嫩嘅肌膚啦，所以今個聖誕不如就做個細心暖男啦。

套裝包括：升級再生基因修護露 30 ml，升級再生基因修護賦活眼霜 5 ml，升級再生基因瞬效修護膠囊 (10 顆)，微分子潔面泡沫 30 ml 

HK$580