無印嘅粉絲又有好消息啦，無印良品已於官網宣布今年嘅四月四日將會於東京銀座開幕世界旗艦店「MUJI Ginza Ginza」。旗艦店高十層，當中包含唔少特別嘅服務，想知有乜一齊睇埋落去啦。

今次開幕嘅世界旗艦店，目標係希望成為一個為「人與人」、「人與自然」以及「人與社會」間建立更良好關係嘅平台。希透過旗艦店呢拉近不同人事。為此，佢地係旗艦店備齊基本生活中真正需要嘅商品同服務，結合日本首創嘅「MUJI HOTEL GINZA」同「MUJI Diner」，一同從銀座向全世界傳遞無印良品的「好感生活」嘅概念。

「無印良品 銀座」店舖係官網公開咗建築物嘅解剖圖，仔細睇插畫可以發現透露了每一樓層嘅規劃同設計。

【1樓 新鮮輕食區】

「MUJI Ginza Ginza」等一層可以話係一個高級版嘅超市，當中包括新鮮蔬果販售區，現烤麵包烘焙坊及特調茶工房，特別嘅係店舖中嘅蔬果都係採用有機栽培或實施農藥減量嘅蔬果。另外門市每日都會進行試吃活動，與顧客分享蔬果美味嘅秘訣同背後栽培故事，協助客人打造每天愉快美味嘅飲食生活。

【2-3樓 層購物區】

當然購物唔可以少啦，係解剖圖可以見到二至三層由購物區組成，當然唔會少得港人最愛嘅零食啦，另外圖中亦見到有單車嘅展區。

【4樓 設計工房】

除了購物外，客人仲可以去到位於四樓嘅設計工使用客製化服務，將啱啱買嘅書或無印良品布製品加工設計成個人專屬物品，仲會提供刺繡服務，打造出全世界獨一無二、無可取代嘅個人單品。

【5樓 家品支援區】

位於五樓嘅家品支援區，呢到係針對居家空間嘅諮詢中心。從收納煩惱、商品選擇，到整體空間嘅規劃，都有專業工作人員協助你打造理想嘅居住環境。此外，仲會提供多種支援服務。唔知會唔會教埋點樣斷捨離呢？

【6樓 ATELIER MUJI GINZA】

ATELIER MUJI係一個設計同生活結合而成的區域，當中包含兩個展覽畫廊、一個可以一邊飲住咖啡，一邊chill住嘅多元化髮型屋、仲有匯集不同設計藝術書籍嘅圓書館，以及一個可以舉辦各類活動嘅活動室。一層就有齊咁多元化嘅野，行足一日都可能行唔曬。

【6-10樓 MUJI HOTEL】

6 樓亦都係也 MUJI HOTEL嘅開始。「MUJI HOTEL GINZA」係日本首間無印良品飯店，當然同其他地方嘅MUJI HOTEL一樣主打在地生活同貼心服務，俾人一仲家的感覺。

無印良品 銀座

地址：東京都中央區銀座3丁目3番5號