【一：防曬需要卸妝？】

呢個問題一直都令好多男士卻步唔用防曬，因為聽到要卸妝就會覺得「嘩！好麻煩呀！」。但其實一般標榜抗水、防汗、維持時間較短嘅防曬，都唔需要特別卸妝，用返正常潔面用品清潔，就可去除殘餘部份；但如果係標榜水上活動專用或特效防曬，而且防曬時間較長嘅防曬産品，就需要用卸妝產品去除。

【二：同女友共用一支防曬？】

千祈唔好呀！首先男士同女士嘅皮膚結構不同，女士的防曬産品一般都較為滋潤，男士使用後有機會因過份滋潤而産生其他皮膚問題，例如生暗瘡，粉刺等。所以千祈唔好亂用女朋友嘅防曬。應該跟據自己嘅皮膚狀況，挑選適合自己嘅防曬産品。

【三：室內都要防曬？】

其實我哋四周都充斥著紫外線，不論你係互外定室內嘅工作者，太陽光線甚至室內嘅光源都有機會傷害皮膚。所以大家都要做好防曬，保護好自己嘅皮膚，以防禦紫外線對皮膚造成傷害。建議室內工作嘅朋友可使用較低防曬系數嘅防曬産品。

【四：想曬黑就唔需要防曬？】

好多皮膚較白嘅男士為咗要曬黑，就爽性唔搽防曬令皮膚自己矖黑。但其實咁樣係十分危險，因為皮膚長期暴曬會令皮膚曬傷帶來傷害，甚至生水泡，同時亦會增加患皮膚癌風險。其實如果想健康地曬黑，使用低度數嘅防曬其實已經可以。

【五：SPF？PA？到底係乜？】

防曬產品包裝上經常都會見到寫住SPF同PA ，但好多人只係略知一二。其實SPF代表Sun Protection Factor ，係衡量防曬產品阻擋紫外線UVB嘅防曬指數，可以計算出喺一般情況下將曬傷時間推遲幾耐時間。例如，你喺陽光底下曝曬10分鐘會曬傷嘅話，使用SPF 15防曬產品就可以延長15倍時間，即係150分鐘後先會曬傷。至於PA即指Protection Grade of UVA，即係代表防曬產品對紫外線UVA嘅防曬能力。 PA後面嘅加號越多就代表防曬效果越好。

【防曬産品推介】

Kiehl's 醫學全效抗污染防曬啫喱乳霜SPF50 PA++++

Kiehl's呢一款防曬乳霜以新配方調配，當中齊備了抗污染及防UV的功效，而且質感輕盈。新配方不單能保持肌膚水潤，更可抵擋污染及UVA引發的氧化傷害，有阻防止肌膚出現光老化徵兆。另外新配方更有修飾功效，可令毛孔顯得更細緻，幫助對抗面部油光，適合中性至油性肌膚使用。

HK$325 / 30ml ; HK$545 / 60ml

BIOTHERM HOMME 男士排毒防曬霜 SPF 50 PA +++

全新配方加入了嶄新的鈦及壓縮超微粒，令其質地不會有油膩黏笠嘅感覺且快速滲透，唔會殘留白色粉末或黏膩感覺。含專利UV濾光成分Mexoryl®SX/XL，全面阻隔UVA/UVB預防因紫外線引致嘅黑色素膚色問題以及皮膚老化問題。

HK$350 / 30ml

Clarins Men UV protection SPF 50 

男士專屬配方，發揮多重保護肌膚效能。具備SPF 50高防曬系數 ，而且防水防汗，即使流汗也絕不澀眼，適合熱愛戶外活動嘅男士。 另外質地透薄無油，減少便用後油光滿面的尷尬場面。

HK$400 / 50ml