{ SKIP }
文:MenClub 小白臉  圖:互聯網
POSTED ON 21 Mar 2019

雀巢咖啡認為如果每日冇充足嘅睡眠,會影響日間嘅工作表現,亦會增加引發疾病嘅風險。所以每日有充足嘅睡眠係非常重要。故此雀巢咖啡於本月開設全球首間「睡眠cafe」(Nap Cafe),等辛苦返工嘅打工仔,有個抖氣嘅地方補補眠。計我話香港都應該開一間。

其實「雀巢」之前已經係日本東京開設過3次期間限定嘅「睡眠cafe」店,呢三次嘅期間限定店都造成好大嘅迴響,所以今年3月終於開設了首間常設店舖,俾工作繁忙嘅打工仔「吊頸都抖下氣」。

Nap Cafe會提供唔同嘅睡眠方案俾客人,由午睡嘅30分鐘到最長訓3個鐘都有,而且訓之前會提供咖啡俾客人享用。客人可以案照自己當日需求,而選擇自己嘅補眠方案。

睇到呢到可能你會有一個疑問,飲完咖啡又點訓得著呀?Nap Cafe會提供一杯無咖啡因嘅咖啡俾1-3小時候嘅客人,訓醒後再提供一杯含咖啡嘅咖啡,令客人維持最佳嘅精神狀態。而30分鐘嘅補眠體驗,就會提供一杯含咖啡因嘅咖啡,俾顧客可以係短短嘅30分鐘補眠後都得到良好嘅精神。

而且Nap Cafe所選用嘅床具或躺椅,都係選用法式高品質床具,張張都符合人體工程學,床墊同枕頭亦可以選擇唔同嘅軟硬度。仲會提供唔同嘅助眠工具,例如耳塞,安眠音樂等,俾客人可以享受高品質嘅睡眠。

雀巢咖啡 Nap Cafe

地址:東京都品川区大井1-7-7 K-2 ビル5F

營業時間:9點起至18點(最晚辦理1730分)

由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
在1994年拍攝的電影《阿甘正傳》(Forrest Gump),是無數影迷心目中的經典之作,而 Forrest Gump 在電影中穿著的 OG Cortez ,也因電影的推波助瀾之下,而成為了經典鞋款,這雙紅、白、藍配色的 OG Cortez 亦有「阿 ...
style
Forrest Gump 在《阿甘正傳》穿著過的 Nike Cortez 阿甘鞋,以天價 $57500 美元賣出!
28 Mar 2024