早前我哋就已經報道過，國際知名藝術家KAWS嘅主名雕塑作品會呢香港舉辦為期十日嘅巨型雕塑展覽「KAWS:HOLIDAY」。是次嘅展覽將展岀身長37米最具代表性嘅作品COMPANION，以全身灰調躺臥姿態登陸維多利亞港。而今日就係COMPANION係香港亮相嘅大日子，我地又點可以唔同大家分享呢，想知有乜要注意就睇埋落去啦。

【注意一 - 維港嚴格航拍】

想去打卡影相嘅朋友仔要注意啦，記住維多利亞港沿岸地區係嚴格使用航拍機架，若使用即屬違法，所以千祈唔好亂嚟呀。

【注意二 - 添馬公園近距離打卡】

今次COMPANION同大家見面嘅地方係金鐘添馬公園對開海面，所以大家可以係金鐘添馬公園（中西區海濱長廊-中環段）近距離打卡。

【注意三 - 遠距離登上摩天輪欣賞】

如果唔想淨係影到COMPANION嘅側面，只要登上中環海濱摩天輪，就可以遠距離捕捉COMPANION最有標誌性嘅「XX眼」！

【「KAWS:HOLIDAY」幕後花絮】

「KAWS:HOLIDAY」展覽主辦及策劃單位AllRightsReserved 亦以航拍嘅方式記錄「KAWS:HOLIDAY」從充氣到落水一步一步，「游向」維多利亞港的過程。