平時買完野唔知你地點處理産品呢？掉左佢？拎去回收？循環再用？棄置包裝垃圾問題一直都係社會關心嘅問題。現時香港亦有唔少無包裝商店，提倡走塑概念。係嚟緊嘅八月香港又會多一間零包裝商店啦，但走塑嘅竟然係護膚品同化妝品？化妝品都有得走真係得咩？

當然無問題啦，其實Lush先後係不同國家開設過零包裝概念店，而且反應亦不錯。零包裝概念簡單呢講，其實係將産品固體化，減省不必要嘅塑膠包裝。唔少嘅品牌都會用花巧嘅包裝去吸引消費者，相反Lush就希望傳遞零包裝概念，希望放棄不必要嘅包裝減省塑膠棄置問題。

Lush今次進駐香港亦係想傳遞呢個信息，同客人交流「無塑未來」嘅理念。而零包裝概念店將於2019年8月進駐銅鑼灣，店內所有産品都以零包裝嘅形式發售，例如經典浸浴產品，護理産品外，仲有不同嘅彩妝産品。有興趣嘅朋友到時記得去望下啦。