過完母親節緊接住就到父親節啦，數數手指仲有十幾日就到，唔知大家準備好點慶祝未呢？相比起母親我哋對父親講肉麻嘅說話可能比較難以啟齒，但表達愛嘅方法又唔一定淨係日日掛係嘴邊嘅，例如準備一份實用嘅禮物等。今個父親節不如就參考一下以下嘅實用禮物，準備一個小驚喜俾父親啦。

【Philips S9000 Prestige 電鬚刨】

年年都係送鬚刨，你唔悶我都悶。但Philips S9000 Prestige電鬚刨並唔係一般嘅普通鬚刨，係集護膚修髮一身嘅鬚刨，爸爸們可按照個人喜好更換配件使用，一支鬚刨有齊咁多功能，絕對係實用又貼心嘅禮物。

【Selvedge Grooming護理體驗】

父親節不如同父親一齊恤個靚髮，Selvedge Grooming護理體驗服務，包括男士理髮服務，另外理髮其間更會有一杯Singleton威士忌或冰凍Peroni啤酒比爸爸嘆住剪，完成理髮後更會獲得Selvedge Grooming淡香水一支，不過Selvedge Grooming護理體驗服務有限，想同爸爸剪個父子頭嘅就記得快D上網預約啦。另外價錢只需六百蚊，十分低玩。

【Kiehl’s 男士緊緻抗皺面霜】

爸爸們都怕麻煩，缺少打理自己嘅皮膚。作為子女又點忍心爸爸嘅皮膚慢慢岀現老態，Kiehl’s 男士緊緻抗皺面霜臨床實證可提升及緊緻皮膚，同時大幅減淡細紋和皺紋，且具有保濕功效，幫助爸爸們改善膚質Keep住年輕。

【APIVITA 男士防脫髮洗髮水】

人到中年最擔心莫過於脫髮問題，古語有云： 「預防勝於治療」，APIVITA男士防脫髮洗髮水就正正有效預防脫髮，而且亦能激活更生髮囊及髮根幫助頭髮生長增加密度。

【Aesop 摩洛哥橙花刮鬍二重奏套裝】

剃鬚産品係每個男人日常嘅必備品，鬚後嘅護理更係不可或缺。Aesop呢個刮鬍套裝包含刮鬍精華及鬚後護膚液。蘊含摩洛哥橙花有助鎮靜肌膚及保持柔滑。

【Lush Dear John套裝】

 Dear John套裝有齊一系列身體護理産品，包括Dear John汽泡彈、咖啡洗髮皂、Dear John沐浴露及Dear John香水。產品糅合香柏木、丁香及岩蘭草精油來打造紓緩感官嘅香氣，令父親能夠放鬆心情，卸下一整日嘅壓力。

【Jo Malone London 銅木與皮革芳醇古龍水】

皮革香味嘅香水比較少有，而且加上銅木香調，層疊出具温暖情調嘅木質香氣，不論係成熟穩重定係型格嘅爸爸都絕對適合！

【Biotherm 男士排毒防曬霜】

長期在互外工作或活動的爸爸們送防曬護理嘅産品就最好不過，Biotherm男士排毒防曬霜有高防曬功效，能夠保護爸爸們嘅皮膚減低紫外光對皮膚嘅傷害。