{ SKIP }
文:MenClub 魏文青  
POSTED ON 26 May 2022

昨日庭上除咗有JD本人重回證人席外,另一重點就係美國八卦新聞網站《TMZ》前員工Morgan Tremaine上庭作證。2016年5月27日,AH帶住「傷勢」去法院申請對JD嘅家暴禁制令時,係《TMZ》於庭外拍到其面部帶傷嘅照片,率先爆出「AH被家暴」嘅新聞;同年8月,《TMZ》亦獨家發放一段JD於某個廚房大吵大鬧嘅影片。JD前律師曾經暗示一切都係AH主動報料畀《TMZ》以抹黑JD、早前庭上亦出現一段AH於2016年作供時,疑似一時口快講出「TMZ被告知… (有關禁制令)」嘅影片。

《TMZ》日前曾發出緊急動議,希望以「保護記者及消息來源」為由禁止Morgan Tremaine上庭,但法官最後推翻動議。而Morgan Tremaine上庭時指出,當時佢於《TMZ》嘅工作係按編輯要求或小道消息,派發狗仔隊人員到不同地方拍攝名人嘅照片。佢憶述第一次接到有關AH嘅工作,係於2016年5月27日接到消息,指AH正於洛杉磯法院申請家暴禁制令,而狗仔隊嘅目的係「拍攝AH右邊臉帶住疑似傷痕離開法院嘅照片」,更指「AH理應會停步並向鏡頭展示傷痕」。

《TMZ》當時拍到嘅影片

Morgan Tremaine指出,於2016年8月時《TMZ》嘅報料電郵中收到一封匿名電郵,電郵中有「AH拍攝JD於廚房大吵大鬧」嘅影片,當收到影片後,佢哋於影片前後加上音效及水印後,就將成條片公佈於《TMZ》網站。但佢作供時指出,當日《TMZ》收到嘅嗰條片,比起近日於庭上呈為證據嘅嗰條片更短,最大分別係冇咗影片開頭見到AH放低鏡頭、以及影片結尾AH帶笑收回鏡頭嘅兩部份。

Morgan Tremaine亦作供指出,該片段嘅版權目前屬《TMZ》擁有,而《TMZ》能夠獲得版權,係因為曾經與原版權擁有者商討,獲得對方無條件授權,又或用錢從對方手上購買。考慮到條片係由AH拍攝,即最初嘅版權在AH手上,即AH疑似主動放料予《TMZ》。

庭上出現嘅「廚房影片」

另外值得一提嘅係,Morgan Tremaine指自己係主動聯絡JD嘅律師Camille Vasquez,原因係「希望幫手理清時間順序」,點知自己最後上咗庭。而AH方律師、於整個審訊多次被反對到口啞啞嘅Elaine Bredehoft,於交叉審訊時質問Morgan Tremaine是否當今次出庭係佢嘅「15分鐘成名機會」。Morgan Tremaine就無奈地回答,今次上庭其實係將自己放喺《TMZ》對立面,好有可能為自己帶黎麻煩,所以佢上庭並非為咗出名,仲反過黎諷刺Elaine Bredehoft:「你鍾意點估就點估,我都可以話你接呢單案係為咗出名。」結果JD方律師Camille Vasquez及Ben Chew相視而笑,旁聽席更有作出「Meme圖級」反應。

Morgan Tremaine諷刺Elaine Bredehoft (1:26開始)。大家可以重點留意畫面左上方兩位旁聽者嘅反應。

除Morgan Tremaine外,JD方昨日亦傳召相片專家Norbert Neumeister,就AH方呈庭嘅照片Metadata作證。Norbert Neumeister指出,庭上出現多張畫面一樣,但「電子指紋」不同嘅照片,難以斷定照片嘅真偽。同時佢亦指出多張AH方呈交嘅相片證據中,都顯示經由「photos 3.0」等程式修改。

最後JD方傳召於西雅圖機場工作嘅Beverly Leonard作證,其證供指出,佢曾於2009目睹AH與「旅伴」於機場爭執,當時AH用力將旅伴嘅頸鍊扯落黎。Beverly Leonard亦指當時聞到AH身上有酒氣。2016年曾有報導指出AH曾因於2009年喺西雅圖機場襲擊其女友Tasya van Ree。

由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024