| 上年年頭文青就帶大家睇過日本無印提出嘅「MUJI HUT」概念，當時無論日本人定香港人都相當有興趣，但結果MUJI就冇哂下文。正當大家以為佢講完就算嘅時候，久冇更新嘅MUJI HUT facebook Page突然就有新Post，原來MUJI Hut喺今年秋天就會於日本正式發售！而且仲有新設計添！ | |
| |
| 早年公佈嘅MUJI HUT根據唔同大細總共有三個設計，黎緊發售嘅MUJI HUT就得返一個，總面積有12平方米(約130平方尺左右)，一房設計。正面有玄關位置(3.1平方米)以及本身用作商店櫥窗嘅全幅落地玻璃窗，整體結構用田泥建成，牆身就用上日本產嘅木材，外牆嘅黑色木板係用日本傳統造船技巧燒過黎增加堅固度，內牆就保留傳統木色，值得一提係樓底最高有成2.5米高，所以根據官網所講，雖然面積細，但因為地方夠實用，所以可以作為4個人嘅活動空間喎。 | |
| |
| 雖然冇廚房、浴室、水電媒等等生活設備，但MUJI HUT嘅意念係希望大家可以隨自己喜好於大自然中擁有自己嘅寧靜空間，簡約或者先係重點。而一間MUJI HUT售價係300萬Yen(連工包料，但未包任何法律費用，亦會因天氣而變化)，即係大約20萬港紙左右，平過喺香港畀首期。至於值唔值啦喎…我就覺得只要住到喺日本就咩都值啦。 | |
| MUJI | |
