| 相信好多人都冇去過非洲，而喺大家嘅印象中，非洲就算唔係「落後」，都一定係一個辛苦嘅地方黎——但其實依家非洲都好發達好先進，而且仲有其他地方搵唔到嘅自然景色，絕對值得一去。但你話我真係好怕辛苦，連行都唔想行喎！OK，都有得揀！各位旅客，歡迎登上「非洲驕傲」列車。 | |
| |
| 非洲驕傲(The Pride of Afirca)係由南非鐵路公司「ROVOS」推出，行走南非、納米比亞、津巴布韋、莫桑比克、贊比亞同坦桑尼亞等非洲南部國家嘅豪華列車。條路線當然就係帶旅客去欣賞下非洲自然景色、野生動物諧如此類，但真正豪華嘅係架火車本身。首先係蒸氣火車拉動已經夠哂誇張，車上裝飾以維多利亞風格為主，車廂偏布實木、皮革。有兩卡休息卡(吸煙及非吸煙)，兩卡餐卡，車尾有觀景卡。全車可以乘坐72名乘客，客房就有三個級別，最豪華嘅Royal Suites有雙人床加自己嘅迷你酒吧。 | |
| |
| 而除咗裝飾之外，ROVOS都要求乘容回復到維多利亞年代嘅禮儀。車上日間Dress Code係Smart Casual，晚餐更加係Formal，男嘅要西裝打呔，女嘅要著洋裝。而且車上唔會提供收音機、電視甚至上網，更加要求乘客只可以喺房用電話。真係逼你去享受呢次旅程。 | |
| |
| 既然程車咁豪華，個價錢當然都唔嘢少。最平嘅單人票價(連房)要48750南非蘭特，即係38450港紙，兩個人就要7萬幾銀！睇黎大部份人都冇咩機會坐到，所以睇多兩張圖當坐過罷啦。 | |
| ROVOS |
