文:MenClub 魏文青 圖:互聯網 POSTED ON August 25, 2014 11:43 am
如果要你諗一樣用金造,而又好瘋狂嘅事物,你會諗起啲咩?有人話會諗起當年金X尊個金廁所,又有人話係北韓個金正恩(?)。兩樣唔岩心水?等我介紹返,呢部由「The House of Solid Gold」出產的24K金雪地單車你喜歡冇?
呢架黃金單車由著名極限運動家、橫越阿拉斯加的瘋狂單車賽「Iditabike」創辦人Dan Bull,與「The House of Solid Gold」的創辦人合力打造,以專門設計於雪地行走的「Fat Bike」為基礎,再在每個部件(除了輪胎、Seat位和少部份組件外)都塗上24K金塗層、Seat位是度身訂造的鱷魚皮、車前的盾章用上超過600粒黑鑽和500粒黃色藍寶石、連個水樽都係用金造再加鱷魚皮套,問你怕未?