好多女仔都鍾意浪漫，但原來男仔心目中嘅「浪漫」同女仔心目中嘅「浪漫」可能好唔同，喺女仔心目中，可能你所做嘅「心機嘢」只係老鬼套，佢哋唔buy之餘仲鬼咁反感。日本「ニッポンのぞき見太郎」節目就曾經做過一個票選，請啲女女選出「不受好評的懶浪漫行為」。嗱！老老竇竇！呢啲票選真係因人而異，有啲女仔唔鍾意收花，覺得冇用又嘥錢；但唔好因為咁就覺得全世界女女都唔buy男仔送花，分分鐘你就係因為扎花而畀位你女友又再插你。Any肥，兩性關係呢回事，多啲參考都冇壞嘅。

5位　送花做禮物　37%
其實唔係個個女仔都鍾意收花，有好多女仔覺得要照顧啲花又煩，得個擺字又唔實用，送花又唔夠有心思等等。

4位　去到好遠睇夜景　57%
雖然去到鬼死咁遠睇夜景好似好浪漫，但其實好多時喺去嘅途中，條女已經覺得好悶好麻煩想返屋企。

3位　詳細介紹自己屋企附近　58%
為咗令女女更了解自己，唔少男仔都喜歡滔滔不絕介紹自己細個去嘅公園、學校乜乜乜等等充滿回憶嘅地方，但事實上女女跟本冇興趣知道。

2位　半夜突然見面　64%
好多日劇都有呢幕，男主角夜媽媽走去見女主角，但事實上好多女仔都唔受呢套，因為突然要見人係要花好多準備工夫，化妝整頭換衫都要成個鐘，點突然見面呀？

1位　唱K時將女女嘅名加入歌詞裡面　84%
又一懶浪漫之舉，但女女只會覺得︰唱你就唱啦，加個名入去全世界都知咁好7好羞家。