做愛做愛，愈做愈愛，但如果巴打們做愛時只顧自己Happy，忽略伴侶感受，又何來愈做愈愛，增進雙方感情呢？所以啪啪啪時，男士們除咗自己舒服，都應該滿足下另一半，做一啲女性喜歡嘅舉動，令佢哋更投入喺啪啪啪之中，咁咪大家都水「乳」交融又和樂融融囉～好多巴打都知道，啪啪啪時女性特別喜歡被親吻頸或者耳仔呢啲敏感地帶，同埋前戲時按摩陰核有助女女更易get wet等等，呢啲基本嘢就唔再多講，一於同大家講下其他性愛專家提供嘅特別小貼士。 外國網站Maxim就整合咗Reddit其中一個討論題目︰“What's your best sex tip/trick?”嘅內容，簡而精咁教大家有咩方法令女女高潮迭起，一齊高呼下啦！ | |
| |
1.除咗前戲外，啪啪啪過程中無論任何姿勢，都可以搓揉佢嘅陰核，令佢更易高潮。 2.唔一定下下大大力啪到盡，多啲講甜言蜜語、叫吓佢個名、話佢知佢幾正、你有幾咁Enjoy……令佢Feel到你嘅愛，會令佢更有感覺。 3.當搵到佢最敏感嘅點時，唔好心急加快速度或者刻意放慢吊佢癮，因為突如其來嘅變化好易令佢嘅感覺沉返落去，保持同樣嘅速度同姿勢先可以令佢一氣呵成直達高潮。 4.可以試吓輕輕捉住佢嘅頭髮，輕微嘅疼痛感同埋被征服嘅感覺會令佢更興奮。 5.除咗用手指出出入入外，仲可以試吓喺裡面做出類似旋轉同埋「RR」下嘅手勢。 |
