| 「呢個Model 911，表面上係一個鬚刨，實際上，佢係一個風筒。」廿前年《國產凌凌漆》嘅對白，唔止而家諗番都仍然識得笑，個概念其實仲好有前瞻性，今時今日可以用嚟設計gadget，就好似日本呢個「凌凌漆鬚刨」。 | |
| |
| 佢嘅學名係「內置鬚刨的手機電池」，但叫佢英文名「Shaver Power Bank」順口直接啲。表面上佢係一個鬚刨，實際上，佢係一個「尿袋」，問你死未？雖然佢唔可以喺宴會場合神不知鬼不覺咁幫你剃鬚，但就可以好覺眼咁拖條cable幫你部手機叉電，救你一命。
| |
| 佢入面嚿電有成5,200mAh容量，夠叉滿iPhone三次有多，並唔係浪得虛名。不過佢只有1A輸出，要叉滿一次，可能要成8粒鐘，真係只啱山窮水盡嗰陣先愛嚟叉番着部手機，平時都係留番啲電嚟剃鬚算把啦。若然唔介意，仲覺得得意想買嘅話，可以去東京啲電器舖搵搵，3,980円一個（約$294）。 |
