| 如果你做咗老豆，又咁啱生咗個仔，你就總會覺得自己有需要喺佢細個嘅時候帶領佢培養出「男人應有」嘅興趣，例如睇《Star Wars》、例如揸車、例如識女仔，而以下呢架玩具車就可以一次過滿足你啦。 | |
| |
| 呢架喺美國玩具反斗城網上店專賣嘅「Luke Skywalker 陸行艇」係根據Luke係《A New Hope》中駕駛嘅X-34陸行艇設計而成，由Radio Flyer推出，由12V充電池推動，最高時速可以有成5km/h，喺小朋友眼中即係光速咁上下。仲有極速、慢啲嘅2km/h同後波三個「波段」，儀表板又識播電影原聲對白。你以為咁樣已經可以等個仔威盡成間幼稚園？錯！最重要係佢有兩個位！即係你個仔可以載多條女去遊車河，細細個就溝哂幼稚園啲女，仲唔係贏在起跑線呀？ | |
| 要型就當然要付出代價，要個仔型咁作為老豆嘅你就要拎出499.99美金，即係大約3900HKD。唔捨得？咁不如咁諗：架車最高負重係130磅，如果你減下磅，可能都可以坐上去兜返轉，換言之呢四千銀其實你都有份玩，成件事係咪即係抵咗好多？ | |
| Toysrus | |
