啲人成日話自己係聞唔到自己身上嘅體味，唔係得個講字，有研究指出，人嘅嗅覺只會對獨特氣味嘅變化產生反應，當你長期都聞緊同一種氣味（自己嘅體味），咁你嘅嗅覺就會適應咗自己嘅氣味，呈現封閉狀態，所以好多人聞唔出自己身上嘅氣味，係非常之合情合理。

咁有咩方法可以知自己有冇體臭呢？好簡單，用咖啡就可以幫到你。由於咖啡嘅香味非常濃烈，而且有吸臭功用，所以佢可以幫你嘅嗅覺脫離平日聞慣嘅氣味，重新進入狀態。That's why有人話想試香水時，先聞一聞咖啡豆，再試不同香水氣味，就係要refresh一下個鼻，咁先聞得清下隻香水係咩味。同樣道理，只要聞一聞咖啡香味，再聞一聞自己身體，就可以容易聞得出，自己嘅體味係點。