近年足球壇嘅勵志故事真係有唔少，其中好似李斯特城射手華迪咁，由低組別聯賽一級一級咁踢到上英超，最後更帶領球隊奪得英超冠軍，真係好似一個傳奇故事咁。而近日，一場曼城vs皇馬嘅熱身賽，原來入面又有一位勵志故事嘅主人翁，佢就係只有17歲嘅迪亞茲(Brahim Díaz)。 | |
| 喺面對皇馬嘅呢場熱身賽入面，曼城表現出色以4：1擊敗對手，其中年輕嘅迪亞茲喺比賽69分鐘後備入替，最終佢為曼城攻入第4個入球，而呢個入球亦都係曼城4個入面中最精彩嘅一球，相信領隊哥迪奧拿喺新一季應該可以放心比呢位小將更多上陣嘅機會。 | |
| 唔好睇迪亞茲17歲就成功為曼城上陣就以為佢係咩天才球員，其實佢喺未加入曼城之前都只係一個執波仔，而唔係傳統個種幾歲就已經踢到識飛個種神童。加入曼城前，迪亞茲一直都喺西甲球隊馬拉加青訓入面，期間佢曾經擔任球僮幫手執波，而據迪亞茲自己透露，原來當年佢喺馬拉加嘅偶像係宜家皇馬嘅主要球員之一嘅伊斯高，要知道當年伊斯高喺馬拉加係球隊主力，表現極為出色。 | |
| |
| (圖入面個執波仔就係迪亞茲啦，當時佢仲望實場上嘅伊斯高。) 迪亞茲表示，當年見到伊斯高踢得咁出色，所以佢就發誓自己未來都一定要做到職業球員。最後，迪亞茲喺馬拉加進行左青訓3年後就轉投曼城嘅青訓，當時曼城為佢付出左20萬鎊嘅轉會費。就係咁，13歲嘅迪亞茲就黎到英超球隊啦，其後再訓練多3年之後，迪亞茲就成功獲得為曼城一隊上陣嘅機會，但係佢上陣嘅機會當然唔多啦，之但係領隊哥迪奧拿應該都睇好呢位年輕人。 | |
| |
| 黎到今年夏天，曼城有機會同皇馬進行熱身賽，相信迪亞茲一定相當興奮，因為佢曾經年小時嘅倫象伊斯高就喺對面隊，雙方有機會喺場上碰頭。最終，伊斯高以正選身份上陣，但係迪亞茲就只能列作後備。其後，伊斯高喺62分鐘就被入替，而迪亞茲喺69分鐘先被派上陣，最終雙方無緣喺場上一較高下，實在登迪亞茲感到可惜呢。 | |
| 能夠搵到自己嘅目標，之後一步一步咁達成，咁樣真係最幸福不過，希望迪亞茲之後可以慢慢喺曼城踢上主力位置，之後有機會再同伊斯高喺場上一較高下！ |
