原來唔單止男人對速度有渴求,有啲女人一樣鍾意挑戰極速。就好似瑞典女工程師Eva Håkansson,就喺近期一個叫做Bonneville嘅電單車速度挑戰賽入面,用自己研發嘅電動三輪車參賽,創造出最高時速達到389.219km嘅紀錄,簡直係極速傳說!
呢架長達19呎嘅電動三輪車,定名為「Killajoule」,係Eva Håkansson同佢老公花咗5年時間研發出嚟。車身雖係用玻璃纖維製造,但支架同樣用咗鋼管去造,總重量有成1,540磅,不過因用咗錐形設計,再加上一個叫Nova Kinetics嘅超低風阻系統,所以能夠高速行走。