無論你係玩樂音樂定係聽音樂嗰個，最緊要就要夠膽試夠膽玩，呢個weekend唔好淨係望住個大台回顧50年啦～今時今日，只要你肯聽，香港人其實都仲有自己嘅音樂，今年wow and flutte就搵嚟超過70隊香港本地band出嚟，逐隊玩俾你聽。

「wow and flutter presents THE WEEKEND 本地薑週末 2017」會係2017年8月11至13日西九文化區舉行，分別有「香港」、「九龍」、「新界」及今年仲新加埋「離島」四大舞台！ 當日仲有多個藝術單位展覽、幾十個手作攤檔、親子活動、及多個本地特色飲食檔。到時男女朋友，一家大細，成班friend子一齊點ROCK都得！